ସୁଖାଦ୍ୟ

ଆଲୋ ମୋ ବଉଳ

ଆଲୋ ଲୋ ସଙ୍ଗାତ

ଆଲୋ ମୋ ମକର

ତୁମେ ମାନେ ମୋ ମିତ ॥

ଯାହା ମୋତେ ଭଲ ଲାଗେ

ଶ୍ରଦ୍ଧାରେ ଖାଈବାକୁ

କହିବାକୁ ପଡିନି କେବେ

ତୁମକୁ କହିବାକୁ ॥

ଭାରୀ ଭଲ ଲାଗେ ମୋତେ

ସଙ୍ଗାତ ମାଆଙ୍କ ହାତରନ୍ଧା

ମକର ଘର ମକର ଚାଉଳ

ବଉଳ ଘରେ ମୁଁ ନିତି ବନ୍ଧା ॥

ଝିଲାପି ରସକୁ ମାଲପୁଆ

ମଣ୍ଡା ଆଡିସା କାକରା

ସବୁ ଭଲ ଲାଗେ ଖାଇବାକୁ

ଆସିଲାଣି ମଗୁଶୁର ପରା ॥

ମଗୁଶୁର ମାସର ଚାରି ଗୁରୁବାର

ଖାଇବାକୁ ମିଳିବ ମିଠାଖଟା ଭରପୁର

ଆସଲୋ ଆସ ମୋ ବଉଳ ସଙ୍ଗାତ

ଖାଇବୁ ଆସେଲୋ ମୋ ମକର ॥

ଚନ୍ଦ୍ରକାନ୍ତି ,ଗଜା ,ଫଳମୂଳ କେତେ

ମିଳିବ ଖାଇବାକୁ ଲୋ ପ୍ରଚୁର

ଶିଖିବା ସାଙ୍ଗେ ଖାଈବା ଆସଲୋ

ଭଲ ଲାଗେ ଏ ମଜା ଆସର ॥