ସୁହାଗିନୀ

  କେବେ ଭରିଦେବ ସିନ୍ଥିରେ ସିନ୍ଦୂର

    ସାଜିବି ତୁମରି ଘରଣୀ

 ତୁମ ଦୁଃଖ ସୁଖେ ସାଥେ ରହିଥିବି

    ସାଜିବି ତୁମ ପୁଜାରିଣୀ ।।

  ମଥାରେ ଓଢଣୀ କାନେ ମୋ ଝୁମୁକା

    ପାଦରେ ନୂପୁର ମୋର

  ହାତେ ମୋର ଶଙ୍ଖା  ରୁଣୁଝୁଣୁ ହୋଇ

     ହସିବ ଘରଟି ମୋର ।।

   ଶାଶୁ ଶଶୂର ମୋର  ସାକ୍ଷ୍ୟାତ ଦେବତା

      ପୂଜୁଥିବି ତାଙ୍କ ପୟର

    ନଣନ୍ଦ ମୋହର   ଭାରି ଅଲିଅଳି

      ଟିକିଏ ଫୁଲେଇ ମୋର ।।

   ଲୋଡ଼ା ନାହିଁ ସୁନା   ଲୋଡ଼ା ନାହିଁ ଧନ

      ଲୋଡ଼ା ତୁମ ଟିକକ ପ୍ରେମ

    ତୁମରି ଆଦର   ପାଇଗଲେ ମୁଁହି

       ଜୀବନ ହୋଇବ ଧନ୍ୟ ।।