Library
Profile
ସତ୍ୟ
ସତ୍ୟ
ସତ୍ୟ ଠାରୁ ବଳି ଦୂନିଆରେ ଆଉ
ବଡ କିଛି ବି ତ ନାହିଁ
ସତ୍ୟ ରକ୍ଷା ପାଇଁ ରାଜା ଦଶରଥ
ଦେଇଥିଲେ ବର ଦୁଇ ।
ସତ୍ୟ ରକ୍ଷା ପାଇଁ ପ୍ରଭୁ ରାମଚନ୍ଦ୍ର
ବନବାସ ଯାଇଥିଲେ
ସତ୍ୟ ରକ୍ଷା ପାଇଁ କିସ୍କିନ୍ଧ୍ୟାର ରାଜା
ବାଳୀକୁ ବିନାଶି ଥିଲେ ।
ସତ୍ୟରେ ଚାଲିଛି ଏଇତ ଜଗତ
ସତ୍ୟ ପାଇଁ ସୂର୍ଯ୍ୟ ଚନ୍ଦ୍ର ଆତ ଯାତ
ସତ୍ୟ ପାଇଁ ଅଛି ମହୀ ।
ସତ୍ୟ ଠାରୁ ବଡ ଆଉ କିଛି ବିତ
ଏଇ ଦୁନିଆରେ ନାହିଁ ।
ସତ୍ୟ ରକ୍ଷା ପାଇଁ ରାଜା ବସୁଦେବ
କଂସେ ଦେଲେ ଛଅ ପୁତ୍ର
ସତ୍ୟ ରକ୍ଷାକରି ଶହେ ଦୋଷ ପରେ
କୃଷ୍ଣେ ଶିଶୁପାଳ ହତ ।
ସତ୍ୟ ରକ୍ଷା କରି ତିନି ପାଦ ଭୂମି
ଦେଇଥିଲେ ରାଜା ବଳୀ
ବାମନ ବେଶରେ ପାତାଳେ ଚାପିଲେ
ତାହାଙ୍କୁ ଯେ ବନମାଳୀ ।
ପର୍ଶୁରାମ ପିତା ଆଗେ କଲେ ସତ୍ୟ
ଫାର୍ଶେ ମା ରେଣୁକା ମୁଣ୍ଡ କଲେ ଛେଦ
କିମ୍ବଦନ୍ତୀ ଅଛି ରହି ।
ସତ୍ୟ ଠାରୁ ବଡ ଏଇ ଦୁନିଆରେ
ଆଉ କିଛି ବି ତ ନାହିଁ ।
ସତ୍ୟ ରକ୍ଷାକରି ରାଜା ହରିଶ୍ଚନ୍ଦ୍ର
ଶୈବ୍ୟାଙ୍କୁ ଯେ ବିକ୍ରି କଲେ
ମଶାଣୀ ରକ୍ଷକ ହରିଆ ପାଖରେ
ଶ୍ମଶାନକୁ ଜଗିଥିଲେ ।
ସତ୍ୟ ରକ୍ଷା କରି ମହାଦାନୀ କର୍ଣ୍ଣ
ପୁତ୍ରକୁ ଯେ ମାରିଥିଲେ
ସତ୍ୟ ରକ୍ଷା କରି ନିଜର ମୃତ୍ୟୁକୁ
କୁନ୍ତୀ ଇନ୍ଦ୍ରେ ଟେକି ଦେଲେ ।
ସତ୍ୟ ରକ୍ଷାକରି ପିତାମହ ଭୀଷ୍ମ
ଯାଇଥିଲେ ରହି ସେ ଅବିବାହିତ
ଶରଶର୍ଯ୍ୟେ ଥିଲେ ଶୋଇ ।
ସତ୍ୟ ଠାରୁ ବଡ ଏଇ ଦୁନିଆରେ
ଆଉ କିଛି ବି ତ ନାହିଁ ।
ସତ୍ୟ ରକ୍ଷାକରି ସୁଦଶା ବ୍ରତକୁ
ନଳ ରାଜା ଦେଇଥିଲେ
ପ୍ରଜା ବତ୍ସଳ ସେ ମହାଲକ୍ଷ୍ମୀ କୋପେ
ଦୁବ ଘାସ କାଟି ଥିଲେ ।
ସତ୍ୟ ତ ଯୋଉଠି ଭଗବାନ ସେଇଠି
ସତ ପାଇଁ ଭାତ ଥାଏ
ଅସତ୍ୟର ପାଦ ସେଇଠି ଅଟକେ ନା
ଆଗକୁ ସେ କେବେ ଯାଏ ।
ସତ୍ୟର ପାଖରେ ଧର୍ମ ଆତଯାତ
ଅସତ୍ୟ ପାଖରେ ନା ପଡେ ପାଦ
ସତ୍ୟେ ଥାନ୍ତି ଭାବଗ୍ରାହୀ ।
ସତ୍ୟ ଠାରୁ ବଳି ଆଉ କିଛି ବିତ
ଦୁନିଆରେ ବଡ ନାହିଁ ।
ସ୍ୱାମୀ ସ୍ତ୍ରୀଙ୍କର ସତ୍ୟର ବିଶ୍ୱାସେ
ସଂସାର ଯେ ଚାଲିଥାଏ
ଅସତ୍ୟ ଯୋଉଠି ଆସିଯାଇ ଥାଏ
ସମ୍ପର୍କରେ ଫାଟ ହୁଏ ।
ସତ୍ୟର ପାଖରେ ହୃଦୟ ଯେ ବନ୍ଧା
ଘର ବାଟ ଖୋଲାଥାଏ
ଅସତ୍ୟ ଯୋଉଠି କାରବାର ହୁଏ
ବାଟ ଦର୍ଜା ବନ୍ଦ ହୁଏ ।
ସତ୍ୟରେ ଯେ ରହେ ବଞ୍ଚେ ଯେ ସତ୍ୟରେ
ଏଇ ଦୁନିଆରେ ନା ସିଏ ହାରେ
ପ୍ରଭୁ ହେଇଥାନ୍ତି ଛାଇ ।
ସତ୍ୟ ଠାରୁ ବଡ ଏଇ ଦୁନିଆରେ
ଆଉ କିଛି ବିତ ନାହିଁ ।
ସତ୍ୟ ପାଇଁ ଏଠି ବହଇ ସମୀର
ବରଷେ ବରଷା ଧାରା
ଅସତ୍ୟ ଅନ୍ୟାୟ ଅଧର୍ମେ ପଶିଲେ
ଶିରୀହୀନ ବସୁନ୍ଧରା ।
ଏଇ ଜୀବନକୁ କି ଅବା ଭରସା
ଏଇ ଅଛି ଏଇ ନାହିଁ
ମଶାଣୀ ଭୂଇଁର ମୁଠେ ପାଉଁଶରେ
ଯିବ ସିଏ ଶେଷ ହେଇ ।
ସତ୍ୟରେ ପଥରେ ମିଳେ ସିନା କଷ୍ଟ
ହେଲେ ଥାଏ ସେଠି ମୁକତିର ବାଟ
ସତ୍ୟ ଅଟେ ଚିରସ୍ଥାୟୀ ।
ସତ୍ୟ ଠାରୁ ବଡ ଏଇ ଦୁନିଆରେ
ଆଉ କିଛି ବି ତ ନାହିଁ ।
