ସତ୍ୟ ର ହେଉ ଜୟ

ଆଜିର ଖବର ନଜର ଦେଲି ମୁଁ 

ସମାଜ ସମ୍ଵାଦ ପତ୍ରେ

ଗୋପରେ ପୁତନା ସମାନ ପତ୍ରିକା 

ଆହାକି ସୁନ୍ଦର ଦିଶେ 

ଅକର୍ମା ମଦ୍ୟପ କହୁଛି ହେଲାଣି 

ଗ୍ରାମ ସୁକର ରୁ ଗାଈ

ପାଂସୁଳା କହୁଛି ମୁହଁ ଟାଣେ ସତୀ 

ସାବିତ୍ରୀ ଅଟଇ ମୁହିଁ

ସାଧୁ ସନ୍ୟାସୀ ଜପ ଧର୍ମ ତେଜି 

ଚରିତ୍ରେ ଦୁଃସ୍କର୍ମ କଳା

କଳଙ୍କ ବୋଝରେ ଚରିତ୍ର ସଂହାର 

ବିଷୟା ରସରେ ଭୋଳା

ସୁରା,ସାକି ଭୋଳା କାମ ବିଷ ଜ୍ଵାଳା 

ବାଳା ବଳି ପଡ଼ିଥାଏ

ଲୋତକେ ଶିକ୍ତ ଧରିତ୍ରୀ ପଣତ 

ନାହିଁ ସୁଖ, ଶାନ୍ତି ହାଏ

ସର୍ବ ବୃହତମ ଗଣତନ୍ତ୍ର ରେ 

ଦୁଷ୍କର୍ମ,ଦୁଃର୍ନୀତି ନୀତି

ସ୍ଵାସ୍ଥ୍ୟ, ଶିକ୍ଷା, ସ୍ଵାଧୀନତା ର ସପନ 

ଏବେବି ଦେଖଇ ଜାତୀ

ଗଙ୍ଗଦତ୍ତ ରାଜ୍ୟେ କୃଷ୍ଣ ସର୍ପ ରାଜା 

ବଂଶ ନିର୍ବଂଶ ବେଳେ

ଘୋଡାମୁ‌ହାଁ ପୁତ୍ର ଅହଂକାର ବଶେ 

ମରଣର ସାଥେ ଖେଳେ

କିଏ ଅଛ ବନ୍ଧୁ କବି,କଳାକାର,

ବିଜ୍ଞାନି, ପଣ୍ଡିତ,ନେତା

ଅବା ଜଗନ୍ନାଥ ବଳିଆର ଭୁଜ 

ଜାତୀକୁ କରିବେ ରକ୍ଷା

ଏହି ଆଶା ନେଇ କବିର କବିତା 

ଶତ ତରଙ୍ଗ ତୋଳେ

ସତ୍ୟ ର ଜୟ ମୁଖରିତ ହେଉ 

ପବିତ୍ର ଗଙ୍ଗା ଜଳେ