ସତ୍ୟ ଧର୍ମ ପଥେ ଚାଲରେ ମଣିଷ

    ଏ କଳିଯୁଗରେ ମରିବା ସହଜ

         ବଞ୍ଚିବା ବହୁତ କଷ୍ଟ

    ଅନ୍ୟାୟ ଅଧର୍ମ ବାଟଟି ସରଳ

         ସତ୍ୟ ପଥ ଦିଏ କ୍ଲିଷ୍ଟ ।

    ରଙ୍ଗିନ ଦୁନିଆଁ କରଇ କିମିଆଁ

         ସହଜେ ଆସେ ସପନ

    ଧନ ପଛେ ଧାଇଁ ସଦା ହାଇଁପାଇଁ

         ନିଦ ଭୁଲଇ ନୟନ ।

    ତାରା ପାଇଁ ଅଛି ସୁନ୍ଦର ଆକାଶ

         ସମ୍ପର୍କ ପାଇଁ ବିଶ୍ବାସ

    କିନ୍ତୁ ନର ଓଠେ ଛଳନାର ହସ

          ପେଟରେ ଗରଳ ବିଷ ।

    ଦୁଃଖ ପଛେ ପଛେ ସୁଖ ଆସୁଥାଇ

         ଦିନ ପରେ ଆସେ ରାତି

    ଅନ୍ୟାୟର ପଥେ ଶୋକେ ଦିନ ବିତେ

         ଭଲ କର୍ମେ ମିଳେ ଶାନ୍ତି ।

    ସତ୍ୟ ଧର୍ମ ପଥେ ଚାଲିଲେ ମଣିଷ

         ଜୀବନ ଯାତ୍ରା ସଫଳ

    ପର ଉପକାରେ ମିଳଇ ଯଶରେ

         ଚିନ୍ତ ପରର ମଙ୍ଗଳ ।

    ନକର କପଟ ନହୁଅ ଲମ୍ପଟ

        ହୃଦେ ଶୋଭୁ ଦୟା କ୍ଷମା

    ସ୍ନେହ ପ୍ରେମ ଡୋରେ ବାନ୍ଧ ସଭିଙ୍କୁରେ

        ହେବ ତୁମ ପୂଣ୍ୟ ଜମା ।