ସ୍ବଭାବ

 ଦଣ୍ଡିଗିରି ମାଛ ଦେଖାଏ ବଡିମା

          ଅଳପ ପାଣିରେ ରହି

    ଧୀର ଶାନ୍ତ ହୋଇ ବିଚରଣ କରେ

          ଅଗାଧ ପାଣିରେ ରୋହି ।

    ସେହିପରି ସିନା ଅଳ୍ପ ବିଦ୍ୟା ଧରି

          ଫୁଟାଣି ମାରଇ ନର

    ଅଗାଧ ପାଣ୍ଡିତ୍ୟ ଅଧିକାରୀ ହୋଇ

          ବିଦ୍ବାନ ରହଇ ସ୍ଥିର ।

    ଅଳ୍ପ ଧନ ଥାଇ ଗର୍ବୀ ଅହଙ୍କାରୀ

          ଦେଖାଏ ତା ବଡପଣ

    ଧନୀ ଲୋକ ସଦା କୃପଣଙ୍କ ପରି

          ଦେଖାଏ ନିର୍ଦ୍ଧନ ଗୁଣ ।

    ବିଜ୍ଞ ମୁନୀ ଋଷି ତପସ୍ୟା କରି କି

          ରହନ୍ତି ଧୀର ମଉନ

   ଠକ ଭଣ୍ଡ ବାବା ସନ୍ୟାସୀ ସାଜି କି

         ପାଆନ୍ତି ମାନ ସମ୍ମାନ ।

    ବାହ୍ୟ ପୋଷାକରୁ ମାପିବେନି କେବେ

          ମନୁଷ୍ୟର ଗୁଣ ଜ୍ଞାନ

    କର୍ମ ସଦା ତାର ପରିଚୟ ଦିଏ

          ବିଦ୍ବାନ କି ସଇତାନ ।