ସତରେ ମୋ ଗାଁ ବଦଳିନି

ଶସ୍ଯ ଶ୍ୟାମଳ

ବିଭବରେ ପୂର୍ଣ୍ଣ

ମନମୁଗ୍ଧ ପ୍ରାକୃତିକ ସୌନ୍ଦର୍ଯ୍ୟ

ଗାଁରୁ ବିଲୁପ୍ତ ପ୍ରାୟ ll

ନୂଆଣିଆ ଚାଳ ଛପର ଘର

ଚାଳରେ କାକୁଡି କଖାରୁ ପାଣି କଖାରୁ ଲତା

ବାଡ଼ିରେ ଆମ୍ବ ପଣସର ବିଶାଳ ବୃକ୍ଷ

ଏବେ ତ ସାତ ସ୍ୱପ୍ନ ll

କିନ୍ତୁ ସମୟ ସାଥେ ତାଳଦେଇ

ବଦଳି ଯାଇଛି

ଗାଁର ସେଇ ପୁରୁଣା ଅଙ୍କା ବଙ୍କା

ମାଟି କାଦୁଅ ରାସ୍ତା ll

ଗଢି ଉଠିଛି ଅନେକ ଗୁଡ଼ିଏ

ନୂଆ ନୂଆ କୋଠା ଘର

ଆଉ କିଛି ନୂଆ କ୍ଲବ ଘର

ଗାଁର ମଝିରେ ll

କିନ୍ତୁ ଏବେ ବି ରହିଛି

ସେଇ ପୁରୁଣା ମନ୍ଦିର

ଯେଉଁଠି ପ୍ରତିଦିନ ଭଳି

ଆଜି ମଧ୍ଯ ସଞ୍ଜ ସକାଳେ ଶୁଭେ

ଘଣ୍ଟ ଆଉ ଶଙ୍ଖର ପବିତ୍ର ଧ୍ଵନି ll

ପ୍ରକୃତିର ଶୋଭରାଜି

ବଦଳି ଯାଇଛି କିଛି ମାତ୍ରାରେ

କିନ୍ତୁ ବଦଳିନି ଗାଁ ଲୋକଙ୍କ

ମନ ଆଉ ହୃଦୟ

ସତରେ ମୋ ଗାଁ ବଦଳିନି ll