ସ୍ଥିତି

ମୁଁ ତ ଚାହିଁଥିଲି ଖାଲି

  ଚେନାଏ ଆକାଶ ଆଉ ମୁଠାଏ ମାଟି |

ଯେଉଁଠି ମୁଁ ଥାପି ପାରିବି

  ମୋର ଲୟ-ବିଲୟ-ସ୍ଥିତି |

ହେଲେ ?

    ହେଲେ, ତୁମେ ଜଗତପତି !

ଦେଇଦେଲ ମୋତେ

   ଏ ସମଗ୍ର ପ୍ରକୃତି |

ଚଳାଇଲି ଯେଉଁଠାରେ

  ମୋର ଅଖଣ୍ଡ ରାଜୁତି |

ମାନିଲିନି ବନ୍ଧନ ମୁଁ,

  ସାଜିଲି ଯେ ଛତ୍ରପତି |

ଏ କି ନିଷ୍ଠୁର,କଠୋର ନିୟତି !

ଏକ ଜିଦଖୋର ମାନସିକ ପ୍ରବୃତ୍ତି,

କିବା ଅନମନୀୟତାର ନିଷ୍ପତ୍ତି |

କାଳର ଗତି-ଅଗତି-ପ୍ରଗତି |

ଦେଖିଲ ତ ବନ୍ଧୁ, ଏ ତା'ର

  କି କରୁଣ ପରିଣତି !

ବିଧାତାର କରାମତି ଅବା

   ଭାଗ୍ୟର ବାମଗତି !

ବୁଝି ମୁଁ ପାରୁନି ଆଜି

  କେଉଁଠି ମୋ ପ୍ରକୃତ ଅବସ୍ଥିତି ?