ସଥେ ତ ଫଗୁନ ଆଏଲାନଁ
ସଥେ ତ ଫଗୁନ ଆଏଲାନଁ
ମହମହ ହଇ ବଉଲିଆ ଧୁକା
ମନକେ ମହକେଇ ନେଲାନଁ
ଶୀତ ସରି ସରି ଦେଖତ ସଜନୀ
ସଥେଁ ତ ଫଗୁନ ଆଏଲାନଁ ।
ଆମ୍ ଜାମ୍ ଗଛେ ବଉଲ ଝୁପା ଧରିଁ
ବସନ୍ତ ରାନୀ ସଜେଇ ହେଲାନଁ
ପଲସା ଗୁରି ତାର ରଙ୍ଗ ଦେଖାଲନଁ
ସଥେ ତ ଫଗୁନ୍ ଆଏଲାନଁ ।
ଶୀତ୍ ଅପସରି ଋତୁର ମଧ୍ୟେଁ ଶୀରି
ବସନ୍ତ ତ ଆସିଗଳାନଁ
ଆମଡାଲେଁ କୁଇଲି ଗୀତ୍ ଗାଏଲାନଁ
ସଥେଁ ତ ଫଗୁନ୍ ଆଏଲାନଁ ।
ରାଏତ୍ ଚାଏର ଘଡି
କମ୍ କମ୍ ଲାଗିବସଲାନଁ
ଦିନ୍ ଦିପହର ବଡ୍ ବଡ୍ ଲାଗଲାନଁ
ସଥେଁ ତ ଫଗୁନ୍ ଆଏଲାନଁ।