ଲାଇବ୍ରେରୀ
ପ୍ରୋଫାଇଲ୍
ସତ
ସତ
1 min
219
ସତ ମୁଁ କହୁଛି ପ୍ରଭୁ
ତୁମ ପାଦ ଛୁଇଁ
ତୁମ ବିନା ଏ ଜୀବନେ
ଆଉ କେହି ନାହିଁ
ତୁମେ ମୋର ଶେଷ ଆଶା
ସଵୁ ଜନ୍ମ ପାଇଁ
ସତ ମୁଁ କହୁଛି ପ୍ରଭୁ ....।୧
କୋଟି କୋଟି ଜନମର
ସମ୍ପର୍କ ମୋହର
କେମିତି ଭୁଲିଵ କୁହ
ଆହେ ଚକ୍ରଧର
ନିର୍ଦ୍ଦୟ ନ ହୁଅ ପ୍ରଭୁ
ଦିଗ ଦିଶୁନାହିଁ
ସତ ମୁଁ କହୁଛି ପ୍ରଭୁ ...।୨
ଯେତେ ଦିନ ଅଛି ମୋର
ଏ ଛାର ଜୀବନ
ସେତେ ଦିନ ଦେଖୁଥିବି
ତୁମରି ସପନ
ଭଜୁଥିବି ତୁମ ନାମ
ମୁଖେ ନିତି ମୁହିଁ
ସତ ମୁଁ କହୁଛି ପ୍ରଭୁ....।୩
ଆଶା ମୋର ନାହିଁ କିଛି
ଜୀବନ ଭିତରେ
ଆର୍ଶୀବାଦ ଦିଅ ଥରେ
ଏହି ଜନମରେ
ମୋ ନାମଟି ଯୋଡି ହେଉ
ତୁମ ନାମେ ଯାଇ
ସତ ମୁଁ କହୁଛି ପ୍ରଭୁ
ତୁମ ପାଦ ଛୁଇଁ...।୪
