ସରମେ ଝାଉଁଳି ଯାଉଛି ମୋ ମୁହଁ

ସରମେ ଝାଉଁଳି ଯାଉଛି ମୋ ମୁହଁ

    ତୁମେ ଥାଉଁ ଲଷ୍ମୀପତି.

ପତିତପାବନେ କଳଙ୍କ ଲାଗୁଛି

    ମନରେ ନାହିଁ ତୋ ଭିତି l

ତୁଣ୍ଡେ କହୁଥିଲି ଚାରିଆଡେ ବୁଲି

    ଏହି ମୋ ବଡ଼ ଠାକୁର.

ଡାକି ଦେଲେ ଥରେ ନାମ ଧରି ତାରେ

    ସିଏ ହୁଅଇ ତାହାର.

ସବୁ ଦୁଃଖ ସୁଖ ଆଦରି ଶ୍ରୀ ମୁଖ

    ପାଦେ ଶରଣ ଦିଅନ୍ତି.  ।

ମୋ କୁହା କଥାଟି ମୋର ତୁଣ୍ଡେ ଥାଉ

    ନିଜକୁ ନିଜେ ସମ୍ଭାଳ.

କେହି ଯିବେ ନାହିଁ ଭକତେ ଗୋସାଇଁ

    ଚାଁହୁଥିବୁ ତୁ ବିକଳେ.

ତୋର ଏ ବିକଳ ଦେଖି ଆଦିମୂଳ

    ଭୟରେ ଥରୁଛି ଛାତି.  l

ରୀତି ନିତି ତଵ ଯଥା ଵିଧି ହେବ

    ହେବ ଷାଠିଏ ପଉଟି.

ଚାରି ଦ୍ୱାର କିଳି ମାଆ ଦେବେ ବାଢି

    ପକାଇ ଆସନ ପଟି.

ତୋର ପାଇଁ ନିତି ଷାଠିଏ ପଉଟି

    ଭକତେ ଉପାସ ନିତି.  l

ରକ୍ତ ମାଂସେ ପରା ଏ ମୋର ଶରୀର

    ଦେହ ମୋର ସହୁ ନାହିଁ.

ନିଦା ଲିମ୍ବକାଠେ ଗଢ଼ା ତୋ ଦେହଟି

    ତୋତେ ଯେ ବାଧିବ ନାହିଁ.

କରିଦେ ମୋତେ ଜଡ ତୋର ହାତେ

    ଶୁଣିବିନି ନିନ୍ଦା ଗୀତି. l