ସୃଜନୀ ସହରେ ନିମନ୍ତ୍ରଣ

ମହାପ୍ରଭୁ ଶ୍ରୀଜଗନ୍ନାଥଙ୍କ ନିକଟେ 

କରୁ ଏକ ଛୋଟ ଜଣାଣ, 

ସୁସ୍ଥ ରହୁ ସ୍ୱାସ୍ଥ୍ୟ ତୁମ ଶାନ୍ତ ରହୁ 

ତୁମ ଆତ୍ମଚିନ୍ତନ ।

ଶିକ୍ଷିତ ହେଉ ପରିସଂସ୍ଥା ତୁମ

ସୃଜନଶୀଳ ହେଉ ଏ ସମାଜର ଜନ, 

ଉତ୍ସୁକତା ରହୁ ଦୁଆତ ମୁନେ ଓ

ପ୍ରସ୍ଫୁଟିତ ହେଉ ପ୍ରତିଭା ପଦ୍ମ।

ସୂର୍ଯୋଦୟ ର ସାହିତ୍ୟ ଆକାଶେ 

ପ୍ରକାଶ ହେଉ ତୁମ କବିତ୍ୱ ଗୁଣ, 

ବାଦଲ ଧାରନ୍ତୁ ସକରାତ୍ମକ ଚିନ୍ତା କୁ 

ଇନ୍ଦ୍ରଧନୁ ହେଉ ପ୍ରେମର ରଙ୍ଗ।

ଋତୁ ଅନୁଯାୟୀ ସାହିତ୍ୟ ଗଗନେ 

ପରିବର୍ତ୍ତିତ କର ଲେଖନୀ ଭାବ ,

ଅନୁଭୁତି ସାଜୁ ଅଝାଲ ଜାଲ ଟେ 

ଶବଦ ସଜନ୍ତୁ ସମୀରର ରୂପ।

ନିଜ ଉତ୍ସୁକତା,ଅଭିଳାଷ ଆଜି 

ପକ୍ଷ ରୂପେ କରେ ଦିଗ ନିର୍ଣ୍ଣିତ

ସୂର୍ଯ୍ୟୋଦୟ ର ସାହିତ୍ୟ ଗଗନ

ପ୍ରତିଭା କୁ ତୁମ କରେ ସମ୍ମାନ

 

କଲମ ମୁନ ଓ ଜ୍ଞାନର ଜାହାଜେ 

ଉଡ଼ିବାକୁ ଥିବା ଆଗ୍ରହୀ ମନ 

ବିନମ୍ର ବିନତୀ, ଶୁଭାଭିନନ୍ଦନ  

କର ଯୋଡ଼ି କରୁ ତୁମ୍ଭ ସମ୍ମାନ।

ଯୋଡି ରୁହ ସଦା ଉତ୍-ଫୁଲ୍ଲିତ ମନେ 

ସ୍ଥିର ରଖିଥାଅ ନିଜ ଚିନ୍ତନ 

କିଛି ପ୍ରତିଯୋଗୀ ପ୍ରତିଯୋଗିତା ମାଧ୍ୟମେ

ଆମ୍ଭେ ସାଜିବା ସାହିତ୍ୟ ର ପ୍ରେମ।