ସରଗର ସୁଖ ଛାଡି
ସରଗର ସୁଖ ଛାଡି
ସରଗର ସୁଖ ଛାଡି ଦେଇ ପ୍ରଭୁ
ନୀଳାଚଳେ କଲ ବାସ.
ଗୁଣ୍ଡିଚା, ବାହୁଡା଼, ସ୍ନାନ ଯାତ୍ରା ଆଦି
କେତେ ଲୀଳା ପୀତବାସ.
ପ୍ରଭୁ, ସେଥିରେ ହୁଅ ହରଷ. l0l
ନରକର ଦୁଃଖ ଭୋଗୁଛ ଏଠି ତ
ଜଗତର ସୁଖ ପାଇଁ.
ସବୁ ସୁଖ ତୋର ବଳି ଦେଇ ପ୍ରଭୁ
ରହିଛୁ ଭକତେ ଚାହିଁ.
ଭକତ ଚଳଣି ଭକତର ବେଶ
ଧରି ତୁହି ହେଉ ତୋଷ. l1l
ଯୁଗେ ଯୁଗେ ତୁହି ଭକତ ପାଇଁ କି
ଦୁଃଖ ଯାତନା ତ ସହୁ.
ଭକତ ଜୀବନ ଭକତର ପ୍ରାଣ
ଭକତ ବିନା ନ ରହୁ.
ହେଲେ ଆଜି କାହିଁ ହୋଇଲୁ ବିମୁଖ
କିଏ କଲା ତୋତେ ବଶ. l2l