ସର୍ବୋଚ୍ଚ ସମ୍ପର୍କ
ସର୍ବୋଚ୍ଚ ସମ୍ପର୍କ
ବିପଦେ ଆପଦେ ହୁଏ ଯେ ସହାୟ
ବୋଲାଇ ପ୍ରକୃତ ବନ୍ଧୁ
ଦୁଃଖରେ ସୁଖରେ ପାଶେ ରହିଥାଏ
ହୃଦ ନିରିମଳ ସିନ୍ଧୁ।
ପଡିଗଲେ ଯିଏ ହାତ ଟି ବଢ଼ାଇ
ଆଲିଙ୍ଗନ କରିଦିଏ,
ଆପ୍ରାଣେ ଚେଷ୍ଟିତ ସହାୟତା ପାଇଁ
ବନ୍ଧୁ ପଦବାଚ୍ୟ ସିଏ।
ବନ୍ଧୁଟିଏ ଲୋଡ଼ା ସଭିଙ୍କ ଜୀବନେ
ପଶୁ, ପକ୍ଷୀ ଅବା ନର,
ବନ୍ଧୁ ଚୟନରେ ଭୂଲ ଯଦି ହୁଏ
ଜୀବନଟା ଛାରଖାର।
ବନ୍ଧୁତ୍ୱ ଖୋଜେନି ଉଚ୍ଚ, ନୀଚ୍ଚ ଜାତି
ଧନୀ ଅବା ନିରଦ୍ଧନ,
ସବୁ ସମ୍ପର୍କର ସର୍ବୋଚ୍ଚରେ ଥାଏ
ସଚ୍ଚା ବନ୍ଧୁଟିଏ ଜାଣ।