ସର୍ବ ଶ୍ରେଷ୍ଠ ଇଂଜିନିୟର
ସର୍ବ ଶ୍ରେଷ୍ଠ ଇଂଜିନିୟର
ସ୍ଵର୍ଗସମ ଧରା ମୋର କି ବର୍ଣ୍ଣିବି ମୁହିଁ
କୀଟରୁ ପତଙ୍ଗ ସର୍ବେ ବଳିଷ୍ଠ ବୁଝାଇ ।
ସକଳେ ଆପାଣା କର୍ମେ ହୋଇ ନିୟୋଜିତ
ବଞ୍ଚିବା ସଂଘର୍ଷ ଧରି ଅଛନ୍ତି ଜୀବିତ ।
ମନୁଷ୍ୟ ଠାରୁ ନିପୁଣ ନିର୍ମାଣ କୌଶଳ
ଉନ୍ନତ ମସ୍ତିଷ୍କେ ଭରା କ୍ଷୁଦ୍ର ଖଗ କୁଳ ।
ଘର ଚଟିଆ ମାନସେ କିଏ ଦେଲା ବୁଦ୍ଧି
ଅତ୍ୟନ୍ତ ସୁନ୍ଦର ଘରେ ତାହାର ସମୃଦ୍ଧି ।
ଘାସ ତିରଣ ସଂଗ୍ରହେ ଲାଗି ଥାଏ ନିତି
ଘରଟିଏ କରି ଥାଏ ନଥାଏ ତା ଭୀତି ।
ଶ୍ରୀଫଳ ବୃକ୍ଷର ଉଚ୍ଚ ତା ପାଇଁ ଉତ୍ତମ
କାହାକୁ ଈର୍ଷା କରିବା ନୁହେଁ ତା'ର କାମ ।
ଆସୁ ଯେତେ ପ୍ରଭଞ୍ଜନ ଆକ୍ରୋଶିତ ମନେ
ନିଡର ପରାଣେ ଥାଏ ନପଡେ ସେ ଭ୍ରମେ ।
ଏପରି ସଜାଡେ ଘର ଜନେ ଆଚମ୍ବିତ
ଇଂଜିନିୟରିଂ ପଢି ସତେ ହୋଇଛି ସେ ଧ୍ରୁତ ।
ସର୍ବ ଗୁଣ ସମ୍ପନ୍ନ ମୋ ବିଶ୍ଵ ଚରାଚର
ପ୍ରତ୍ୟେକ ପ୍ରାଣରେ ଅଛି ଉତ୍କୃଷ୍ଟ ବିଚାର ।