ଲାଇବ୍ରେରୀ
ପ୍ରୋଫାଇଲ୍
ସପ୍ତପୁରୀ
ସପ୍ତପୁରୀ
1 min
249
ଶ୍ରୀମନ୍ଦିରେ ଆଜି ଲାଗି ସପ୍ତପୁରି
ସାତ ପୁରେ ପିଠା ହୋଇଛି ତିଆରି
ଦଇତା ପୂଜାରୀ କରନ୍ତି ଗୁହାରି
ଭୋଜନ କରିବେ ଶ୍ରୀ ବାଙ୍କବିହାରୀ
ବାଜୁଥିବ ଭେରୀ ତୁରି.
ବଡ ଦେଉଳ ପଡେ ଉଛୁଳି. l0l
ଆଲାମ ଚଣ୍ଡୀଙ୍କୁ ଆଜ୍ଞା ମାଳ ଯାଏ
ଚତୁର୍ଦ୍ଦଶୀ ଦିନ ତାଡ଼ ଆସିଥାଏ.
ଦକ୍ଷିଣ କାଳୀଙ୍କୁ ଆବାହନ କରି
ଲକ୍ଷ୍ମୀମାତା କରିଥାନ୍ତି ସପ୍ତପୁରି
ମନରେ ଶରଧା ଭରି.
ଆଜି ଭୁଞ୍ଜିବେ ବୋଲି ଶ୍ରୀ ହରି. l1l
ସାରି ସପ୍ତପୁରି ହୁଏ ବସ୍ତ୍ର ଚୋରି
ନୀଳାଚଳ ସତେ ଅବା ଗୋପପୁରି
ଦଇତା ସେବକେ ଆଜି ଗୋପନାରୀ
ସାଥେ ବାଳକୃଷ୍ଣ କରିବେ ତ କେଳି
କରି ତାଙ୍କ ବସ୍ତ୍ର ଚୋରି.
ବ୍ରଜେ ଯମୁନା କୂଳେ ଶ୍ରୀ ହରି. l2l
