ସପନେ ସପନେ ଆସେ

ଗୋକ୍ଷୀର ବରଣା ସଖୀ 

      ସପନେ ସପନେ ଆସେ

ରାତି ସାରା ମୋ କୁଟୀର

       ରଜନୀଗନ୍ଧା ର ବାସେ

   ଭିଜେଇ ଦେଉଛି ମନ

ଅମୀୟ ପ୍ରଣୟ ରସେ, ଗୋକ୍ଷୀର ବରଣା ।

ନୀଳ ଝୀନ ବାସେ ବେଶ

      ନିନ୍ଦଇ ଯୋଜଛନା ଝସ

ପଦ୍ମ ରାଗ ତା ଲପନ

       ଗତି ତା’ର ରାଜହଂସ

   ବିନିଦ୍ର ରଜନୀ ରଙ୍ଗେ

ପ୍ରଣୟ ରସେ ବିଳସେ, ଗୋକ୍ଷୀର ବରଣା ।

ନୀଳ ନୟନା ଚତୁରୀ 

     ସୁଧର୍ମା ସଭା ଅପ୍ଷରୀ

ସମାନ ବିଭାସେ ରଙ୍ଗେ

   କରେ କେତେ ପ୍ରେମ କେଳୀ

  ମନ ଚହଲି ଉଠଇ

ତାର ଖିଲି ଖିଲି ହସେ,ଗୋକ୍ଷୀର ବରଣା ।

ସରଗର ନୀଳ ପରୀ

      ନିନ୍ଦଇ ରୂପ ତାହାରି

କାମ କଳା କଉତୁକୀ

     ନିପୁଣା ସେହି ସୁନ୍ଦରୀ

   ଆନମନା ହୁଏ ମନ

ଆଜି ଏହି ପରବାସେ, ଗୋକ୍ଷୀର ବରଣା ।

ସପନେ ବିତିଲା ରାତି

      ପ୍ରଭାତେ ନିଦ ବିରତି

ତେଜି ମୁଁ ଶେଜ ସୁପାତି

     ମନ ଖୋଜେ ପ୍ରୀୟବତୀ

  ସେ ନୀଳ ନୟନା ପରୀ

ନିଦ୍ରିତ ନିଶାର୍ଦ୍ଧେ ଆସେ, ଗୋକ୍ଷୀର ଵରଣା ।