ସଫଳତାର ଚାବିକାଠି
ସଫଳତାର ଚାବିକାଠି
ସଫଳତାର ଚାବିକାଠି ।
ଦେଖ ରଖିଛି ମୁଁ ଏଇଠି ।
ଉଦ୍ୟମ ବଳେ କାର୍ଯ୍ଯ ସିଦ୍ଧି ।
ଉଦ୍ୟମ ବିହୀନେ ଅସିଦ୍ଧି ।
ଉଦ୍ୟମ ବିନା ମନୋରଥେ।
କାର୍ଯ୍ଯ କି ସିଦ୍ଧି ଏ ଜଗତେ ?
ସିଂହଟି ଯଦି ଶୋଇଥିବ ।
ତା ମୁଖେ ମୃଗ କି ପଶିବ ?
ଈଶ୍ବର ସଭିଙ୍କ ଅନ୍ତରେ ।
ବାସ କରନ୍ତି ନିରନ୍ତରେ ।
ନିତ୍ୟ ନିବାସ ହୃଦେ ହରି ।
ଅନ୍ତରଯାମୀ ଦଇତାରି ।
ଜାଣନ୍ତି ସଭିଙ୍କ ଅନ୍ତର ।
ସେ ନିଜେ ଶରଣ ସୋଦର।
ଜାଗ୍ରତ ସୁଷୁପ୍ତି ଚେତନେ ।
ହେଉ ଅଥବା ଅଚେତନେ ।
ସ୍ମରଣ କଲେ ନାରାୟଣ ।
ସେ ହେବେ ଶରଣ ରକ୍ଷଣ ।
ହୃଦେ ସେ ହୋଇଲେ ଜାଗ୍ରତ ।
ତୋତେ ସେ ହୋଇବେ ପ୍ରାପତ।
ସଫଳତା ତୋ ପାଦତଳେ ।
ଆସି ମିଳିବ ତତକାଳେ ।
ମନ ମୋହର ବୋଲ କର।
ଏ ସଫଳତା ଚାବି ଧର ।