ସଫଳତାର ଅନ୍ୟ ନାମ ସଘଂର୍ଷ

ଦେଖିଅଛେ ବହୁଳ ଆଦର୍ଶ ଓ ଦର୍ଶନ,

ଅନେକ ସଭ୍ୟତା ସଂସ୍କୃତି 

ବିଭିନ୍ନ ଧର୍ମକୁ ଧର୍ମ ପୀଠ ଓ ଧର୍ମ ଭାବକୁ

ଧ୍ୱଜାଧାରୀ ପ୍ରଚାର କରନ୍ତି |୧|

ରହି ଅଛି ଗଦା ଗଦା ଚାଲି, ଚଳଣି, 

ବେଶ ଭୁଷା ଓ ଭାଷା

ବିଶାଳ ଏ ପୃଥିବୀରେ ମଣିଷର ମୁକ୍ତି 

ପାଇଁ କେତେ ଆଶା |୨|

କେତେ ଶୀତ ଯାଏ, ଗ୍ରୀଷ୍ମ ବି ଆସେ,

ଧାବମାନ ସମୟ ଗତିରେ

ଚାଲିଯାଏ ସମୟ ତ ବେଦ ବେଦାନ୍ତର 

ସାର ମର୍ମ ଜାଣିବାରେ |୩|

ଆଗକୁ ମାଡେ ଭଜନ, କୀର୍ତ୍ତନ, ସତ୍ 

ସଙ୍ଗ ସାଥି ର ଆସରେ

ମୋର ମୋର ଆବୋରି ଥିବା ଭାବ ଛାଡିଛି 

କି କିଏ ଜୀବନରେ |୪|

ମୋ ପରିବାର, ମୋ ବନ୍ଧୁ ,ମୋ ପିଲା, 

ମୁଁ ର ବନ୍ଧନୀ ପାଚେରୀରେ

ଜୀବନଟା ଯାକ ହୋଇ ବନ୍ଧା କଟି ଯାଏ 

ଜୀବନ ଏହି ପରିଧି ଭିତରେ |୫|

ପରିବର୍ତ୍ତନଶୀଳ ଦୁନିଆରେ ମଣିଷ ଆଗକୁ

ଆଗକୁ ମାଡି ଚାଲିଛି

ନୂଆ ଶତାବ୍ଦୀରେ ପାଦ ରଖି ପୁରୁଣା କଥାକୁ 

ସେ ଭୁଲି ତ ଯାଉଛି |୬|

ସବୁ ଭିତରେ ନିଜକୁ ଖୋଜଇ ଏ ମଣିଷ 

ପ୍ରତିଯୋଗିତା ଦୌଡ଼ରେ 

କଣ ପାଇଛି ବା ହରେଇଛି ହିସାବକୁ ସମୟ 

ନଥାଏ ତା ପାଖରେ |୭|

ଧୈର୍ଯ୍ୟର ଜୀବନ ଯାପନରେ ମନ ପାଏ କିଛି 

କ୍ଷଣ ପାଇଁ ଶାନ୍ତି   

ପ୍ରକୃତିର ବିଚିତ୍ରତା ଜାଣି କଲେ ଯାତ୍ରା ପାଏ ସେ

ଭଲ ମନ୍ଦ ଅନୁଭୂତି |୮|

ଜୀବନଦୌଡର କସରତରେ ଶିଖେ ବିଫଳତାର 

କାରଣ ଆଳସ୍ଯ

କଷ୍ଟ ସତ କିନ୍ତୁ ମଣିଷକୁ ମଜବୁତ୍ କରି ଗଢି କରି

ତୋଳେ ସଘଂର୍ଷ |୯|