ସଫଳ ବ୍ୟକ୍ତି

ସତ ପରିଶ୍ରମ ହୁଏ ନା ବିଫଳ 

ମିଳେ ନିଶ୍ଚେ ସଫଳତା,

ପରିଶ୍ରମୀ କେବେ ଲାଳାୟିତ ନୁହେଁ

ତା ପାଇଁ ଏସବୁ ମାମୁଲି କଥା।

ପାଇବାକୁ ହେଲେ ସଫଳତା ଆମକୁ

କରିବାକୁ ହୁଏ ଭଲକାମ,

ଦୃଢ ମନୋବଳେ ଧୈର୍ଯ୍ୟ ସାହସରେ

ସଫଳ ଶୀର୍ଷରେ ରହେ ନାମ।

ଉତ୍ତମ ପ୍ରତିଭାଯୁକ୍ତ ବ୍ୟକ୍ତି ସଦା

ପ୍ରତିଭା ବିକାଶୁ ଥାଏ,

ବଣମଲ୍ଲୀ ଭଳି ବନେ ରହିଲେ ବି

ଚଉଦିଗ ବାସ ଛୁଟୁଥାଏ।

କର୍ମେ ରତ ଜନ କରିଚାଲେ କର୍ମ

ନଥାଏ ଲାଳସା କିଛି ତା'ର,

ତା ଉପରେ ତା'ର ଭରସା ରହିଲେ

 ସଫଳତା ଛୁଏଁ ପାଦ ତା'ର।