ବନ୍ଧୁତା

ମନ ଆକର୍ଷଣ ସମ୍ପର୍କ ମହାନ

ହୃଦୟ ଆବେଗ ପୂର୍ଣ୍ଣ 

ଅସ୍ଥିର ଲାଗଇ  ତାକୁ ନଦେଖିଲେ

ବନ୍ଧୁତ୍ୱର ନିଦର୍ଶନ ll

ସେନହ ମମତା ଯେ ଆନ୍ତରିକତା

ଭାବ ବନ୍ଧା ଭାବନାରେ

ସୁଖ ଦୁଃଖ ପ୍ରେମ ଭଲ ମନ୍ଦ କାମ

ମନ ଦୃଢ ସମ୍ପର୍କରେ ll

ନେବା ଦେବା ଭାବ ନଥାଏ ତ୍ୟାଗରେ 

ତ୍ୟାଗହିଁ ବନ୍ଧୁତ୍ୱ ଡୋର 

ମାନ ଅପମାନ  ବଡ଼ ଅବା ସାନ

ନଥାଏ ଗଣିତ ତାର ll

ଜୀବନ କ୍ଷଣିକ ବନ୍ଧୁତ୍ୱ ଅମର

ବନ୍ଧୁତ୍ୱରେ ବାନ୍ଧିହେବା

ମାନବିକ ଜ୍ଞାନ ସହାନୁଭୂତିରେ

ବନ୍ଧୁ ଧର୍ମ ନିଭାଇବା ll

କୃଷ୍ଣ ଓ ସୁଦାମ କଥା ପୁରାଣର

ଏବେଅଛି ଜନଶ୍ରୁତି

ଶ୍ରେଷ୍ଠ ବନ୍ଧୁତ୍ୱର ବାର୍ତ୍ତାକୁ ପ୍ରଚାରେ

ଧନ୍ୟଯେ ଆମ ସଂସ୍କୃତି ll