ସଞ୍ଜୁଆ ପ୍ରେମର ରଙ୍ଗ

ସଞ୍ଜୁଆ ପ୍ରେମର ରଙ୍ଗ

ଗୋଧୂଳି ଛାଇରେ ତୁମେ ଭରିଦେଲ

ସାତ ରଙ୍ଗର ମୁରୁଜ

ତା' ବର୍ଣ୍ଣାଳି ଦେଖି ଛପି ଗଲା କାହିଁ

ରଙ୍ଗ ହଜେଇ ସୁରୁଜ

ରୂପରେ ତୁମର ଥିଲା ଯା'ଚମକ

ସୂର୍ଯ୍ୟ ଯାଉଥିଲା ଜଳି

କଥାରେ ତୁମର ଥିଲା ଯା' କିମିଆ

କିଏ ବା ପାରିବ କଳି

କୁହୁକରେ ଭରା ନୀଳ ସ୍ଵପ୍ନ ଓଠ

ଖୋଜୁଥିଲା ପ୍ରୀତି ସଞ୍ଜ

ପ୍ରେମ ଅନୁରାଗେ ଶିହରିତ ହୋଇ

ଆନମନା ଥିଲା ମନ

କାହିଁକି କେଜାଣି ତୁମରି ପ୍ରେମରେ

ଝୁରି ହେଉଥିଲା ପ୍ରାଣ

ମିଳନର ଏଇ ରୂତୁ ଗଲା ପରେ

ପ୍ରେମର ଥାଏକି ରଙ୍ଗ