ଏମିତି ବିତାଇ ଥିଲି ସେହି ଦିନଟିକୁ.
ଏମିତି ବିତାଇ ଥିଲି ସେହି ଦିନଟିକୁ.
ଶୁଭେଚ୍ଛା ବାରତା ତରଙ୍ଗୀତ ହେଲା
ଛୁଟିଲା ଶୁଭକାମନାର ବାଣୀ
ମନେ ମୋର ଖେଳି ଉଠୁଥାଏ ଉନ୍ମାଦନା
ବେଳ ଗଢ଼ିବା କ୍ଷଣି ।
ପଚାରିଲେ ମୋତେ ସଖି ସାଙ୍ଗ ମୋର
କି ଭେଟି ଦେଲେ ବାବୁ
ଶୁଖିଲା ଗଳାରେ କହିଲି ସଭିଙ୍କୁ
ଲକ୍ ଡାଉନ୍, ସଟ୍ଡାଉନ୍ ସତ୍ୟାନାଶ କଲା ସବୁ ।
ବାବୁଙ୍କର ମୋର କେତେ ଯେ ବାହାନା
କେତେ ଯେ ପୁଣି ଢଙ୍ଗ
କିଛି ଉପହାର ଦେଲେ ନାହିଁ ମୋତେ
ନା ହେଲେ ଟିକିଏ ଅନ୍ତରଙ୍ଗ ।
ପାଇବାକୁ ଚକୋଲେଟ ଅବା ଫୁଲଟିଏ
ଦିନତମାମ୍ ହୋଇଥିଲି ଅପେକ୍ଷାରତ
କିଛି ନ ହେଲାନାହିଁ ପ୍ରିୟ ହାତ ଧରି
ବିହାରିଲି ମୁଁ ବୁଲି ଛାତ ।
ବାକି ଥିଲେ ଯେଉଁ ବନ୍ଧୁ ବାନ୍ଧବୀ
ରାତିରେ ଫୋନ୍ କରି ପଚାରିଲେ ଭଲମନ୍ଦ
କିଭଳି ପାଳିଲ ବିବାହ ବାର୍ଷିକୀ
ଲେଖିବୁ ଦୁଇ ପଦ ଶବ୍ଦର ଛନ୍ଦ ।
ଏମିତି ବିତାଇ ଥିଲି ସେହି ଦିନଟିକୁ
ପ୍ରକାଶିଲି ତାହା ମୁଁ ଧାଡିରେ
ପଢି ସଭିଏଁ କୁହତ ମୋତେ
କେତେ ଖୁସି ହୋଇଥିବି ମୁଁ ମୋ ବିବାହ ବାର୍ଷିକୀରେ ?