ସଞ୍ଚିତ ଧନ
ସଞ୍ଚିତ ଧନ
ସଞ୍ଚିତ ଧନମୁଁ ସାଇତି ରଖିଛି
କେତେ ଆଶା ମନେ ନେଇ l
ଭାବୁଛି କରିବି କେତେ ନୂଆକଥା
କିଛି ଭାବି ପାରେ ନାହିଁ ll
ବେଳେବେଳେ ଭାବେ କଣ କରିବି ମୁଁ ଯେ
କାହିଁକି ମୁଁ ସଞ୍ଚୁ ଥିଲି l
ସଞ୍ଚିତ ଧନରେ କିଣିଦେବି ସବୁ
ମନେ ମନେ ଭାବୁଥିଲି ll
କିଣିପାର ତୁମେ ସୁନାର ପଲଙ୍କ
କିଣି ନପାର ଯେ ନିଦ୍ରାକୁ l
କିଣି ନପାର ଯେ ରାତିର ସପନ
କିଣି ନପାର ଯେ ଶାନ୍ତିକୁ ll
କିଣି ଆଣି ପାର ପୁଳା ପୁଳା ବହି
କିଣି ନାହିଁ ଜ୍ଞାନ କେହି l
କିଣି ପାରି ନାହିଁ କେବେ ଭବିଷ୍ୟତ
ଜାଣିଛି ନିଶ୍ଚେ ଜଗତ ll
ମନୁଛି ଆସିବ ନିଶ୍ଚେ ଦରକାର
ଏହି ସଞ୍ଚିତ ଧନର l
ଉଧାର ମାଗିବା ଠାରୁ ଶ୍ରେୟସ୍କର
ଏହି ସଞ୍ଚିତ ଧନର ll
ବଞ୍ଚିବାପାଇଁ ଯେ କିଣି ହୁଏ ଦାନା
ଜୀବନ ହୁଏନା କିଣି l
ଟଙ୍କା ଦେଇ ତୁମେ ମିଛ କିଣି ପାର
ସତ ପାର ନାହିଁ କିଣି ll
ଦୁନିଆରେ କେତେ। ଅପୂର୍ବ ଜିନିଷ
ଭାରି ରହିଅଛି ସତେ l
ହୁଏ ନାହିଁ କିଣା ହୁଏ ନାହିଁ ବିକ୍ରି
କର୍ମ ଫଳେ ମିଳେ ତୋତେ ll