ସନ୍ତ୍ରାସବାଦୀ

ରକ୍ତ ବୁହାଇଲେ ସନ୍ତ୍ରାସବାଦୀଏଁ

ହାହାକାରେ ଗଲ ଥରି

ତୁମ ଜାତି ପୁଅ ଗଣଧର୍ଷଣ ଯେ

କିଏ ଶୁଣିବ ଗୁହାରି

ଘର ଢ଼ିଙ୍କି ଯଦି କୁମ୍ଭୀର ହୋଇବ

କେଉଁଠି ମାଗିବା ନ୍ୟାୟ

ଦୁର୍ନୀତି ଗ୍ରାସିଲା ସାରା ଶରୀରକୁ

ଜୀବନ କି ହେବ ଥୟ

ଦେଶ କୋଣେ ଆଜି ମାଆ କାନ୍ଦୁଅଛି

ଆର୍ତ୍ତ ଚିତ୍କାର ବୁକେ

ହାଡ଼, ମାଂସ ଆଉ ଅଧା ପୋଡା ତନୁ

ମୃତ ସନ୍ତାନର ଶୋକେ

ସ୍ବାଧୀନ ଆମେ ତ କହୁଅଛୁ ସର୍ବେ

ଦାଣ୍ଡେ ଡୁଙ୍ଗୁରା ପିଟାଇ

ଆମ ଝିଅ ବୋହୁ ଆଜି କି ସ୍ବାଧୀନ

ଚାଲନ୍ତି ଭୟ ଛଡାଇ

ନିତି ଛୁଟୁଅଛି ବନ୍ଧୁକରୁ ଗୁଳି

ଆପଣାର ଛାତି ବିଧେ

କଟାକ୍ଷ ଆଖିର ହୁତାସନ ଅଗ୍ନି

ଜଳାନ୍ତି ଗୃହର ମଧ୍ୟେ

ଯେଉଁଦିନ ଏହି ରକ୍ତପାୟୀଙ୍କର

କବଳରୁ ମୁକ୍ତ ହେବା

ସେଦିନ ଭାରତ ଜନନୀର ଆମ

ପାଦରୁ ବେଡି ଖୋଲିବ