ସଂସ୍କୃତିର ବିଳାପ
ସଂସ୍କୃତିର ବିଳାପ
ଗୁମୁରି ଗୁମୁରି ବିଳପେ ସଂସ୍କୃତି
ପାଟି ତ ଫିଟୁନି ତାର
ପର କରିଲେଣି ଆଜିକାଲି ତାକୁ
ଯିଏ କରନ୍ତେ ନିଜର ।
ସୁରକ୍ଷା କବଚ ହାତରେ ଯାହାର
ରହିଲେ ହୋଇ ମଉନ
ମନରେ ଭାବନ୍ତି କହିବୁ କାହାକୁ
ଯିବ ଆମର ସମ୍ମାନ ।
ଜ୍ଞାନ ବିଜ୍ଞାନ ଓ କଳା ସଂସ୍କୃତିର
ଦେଶ ଏ ଭାରତ ବର୍ଷ
ମହାନ ସଂସ୍କୃତି ଆମର ଏହାର
କେ ହେବ ଆଉ ସଦୃଶ ।
ଯୋଗବିଦ୍ୟା ବ୍ରହ୍ମବିଦ୍ୟା ଜ୍ଞାନ
ଆଉ ବିଜ୍ଞାନର ଗନ୍ତାଘର
କଳା ସ୍ଥାପତ୍ୟ ସଂସ୍କୃତିରେ ସମାନ
କେହି ନୋହିବେ ଏହାର ।
ବିଳାପ କରୁଛି ଏ ସଂସ୍କୃତି ଆଜି
ମୋତେ ରକ୍ଷାକର ବୋଲି
ରକ୍ଷକ ଭକ୍ଷକ ହେଲେଣି ତ ଆଜି
କେ ନକହେ ମୁହଁ ଖୋଲି ।
ବିଦେଶୀ ସଂସ୍କୃତି କବଳିତ ଏବେ
ହୋଇଛନ୍ତି ଯୁବପିଢି
ଆମ ସଂସ୍କୃତିକୁ ଅନେକ ବିଦେଶୀ
କରିଲେଣି ଆଶାବାଡି ।
ଆମ ସଂସ୍କୃତିର ସୁରକ୍ଷା କରିବା
ଆମରି ଧରମ ସିନା
ବିଦେଶୀ ସଂସ୍କୃତି ଅନୁକରଣରେ
ଆମେ ହଜିଯିବା କିନା ।
ସଂସ୍କୃତି ବିଳାପ ନଶୁଣିବା ଆଉ
ଦୃଢମନା ଆମେ ହେବା
କାୟ ମନ ବାକ୍ଯେ କଟୀବଦ୍ଧ ହୋଇ
ସଂସ୍କୃତି ରକ୍ଷା କରିବା ।
ସତ୍ଯ ସନାତନ ଏ ଆମ ସଂସ୍କୃତି
ଥିଲା ଅଛି ବି ରହିବ
ଯୁଗ ଯୁଗ ଧରି ବିଶ୍ବମାନସରେ
ଅକ୍ଷୟ କୀର୍ତ୍ତି ରଚିବ ।