Library
Profile
ସଂପର୍କର ଅପୂର୍ବ ରୂପ
ସଂପର୍କର ଅପୂର୍ବ ରୂପ
ସଂପର୍କର ଡୋର ଜଡ଼ିତ ହୁଅଇ
ମନୁଷ୍ୟ ଜୀବନ ପଥେ,
ବଞ୍ଚିବାର ମାନେ ପ୍ରତିକୂଳ ସ୍ଥିତି
ଯୁଦ୍ଧ ପରିସ୍ଥିତି ପଥେ ।
ସନ୍ଧି ପରିସ୍ଥିତି ଆସେ ପୁଣି କେବେ
ସଂପର୍କର ରୂପ ହୁଏ,
ପଥେ କ୍ଳାନ୍ତ ହେଲେ ଗଛ ଛାଇ ତହିଁ
ଅତି ଆବଶ୍ୟକ ହୁଏ ।
ଗଛ ଛାଇ ତଳେ ଅମୂଲ୍ୟ ସଂପର୍କ
ପଥ କ୍ଳାନ୍ତ ଦୂର ହୁଏ,
ସଂପର୍କର ସ୍ବପ୍ନ ଆବିର୍ଭୁତ ହୁଏ
ସଂପର୍କ ଜଡ଼ିତ ହୁଏ ।
ଗଛର ଛାଇରେ ବିଶ୍ରାମ ସଂପର୍କ
କିଛି କ୍ଷଣ ରହେ ତହିଁ,
ଶୋଷ ଲାଗିଲେ ହିଁ ନଦୀ ନୀରେ ଯାଇ
ନୀର ପାନ କରେ ତହିଁ ।
ନଦୀ ନୀରେ ତାର ସଂପର୍କ ହିଁ ରହେ
ଆବଶ୍ୟକ ଯୋଗୁଁ ତହିଁ,
>ଜୀବନ ଯାତ୍ରାରେ ସଂପର୍କର ଡୋର
ଲାଗି ଥାଏ ଯହିଁ ତହିଁ ।
ମାତାଙ୍କ ସଂପର୍କ ସନ୍ତାନ ସହିତ
ଈଶ୍ବରୀୟ ସେହୁ ପୁଣି,
ଅମୂଲ୍ୟ ସଂପର୍କ ପିତା ଓ ସନ୍ତାନେ
ଗୌରବ ଦିଏଟି ପୁଣି ।
ସ୍ତ୍ରୀ ଓ ସ୍ବାମୀଙ୍କ ପବିତ୍ର ସଂପର୍କ
ଜୀବନ ଯାତ୍ରାର ମଧ୍ୟେ,
ପଛେ ରହି ଯିବ ସବୁ ହିଁ ସଂପର୍କ
ନଦୀର ତୀରର ମଧ୍ୟେ ।
ନଦୀ କୁଳ ହେବ ସମସ୍ତଙ୍କ ପାଇଁ
କେହୁ ଆଗେ କେହୁ ପଛେ,
ପ୍ରଭୁଙ୍କର ଲୀଳା ଅପୂର୍ବ ଅଟେଟି
ସଂପର୍କର ଡୋର ପଛେ ।
ସଂପର୍କର ଡୋର ଜଡ଼ିତ ହୁଅଇ
ମନୁଷ୍ୟ ଜୀବନ ପଥେ,
ବଞ୍ଚିବାର ମାନେ ପ୍ରତିକୂଳ ସ୍ଥିତି
ଯୁଦ୍ଧ ପରିସ୍ଥିତି ପଥେ ।
