ସଂପର୍କ

             

ହରି ଙ୍କ ପୟରେ

    ସଂପର୍କ ଯୋଡିଲା    ହିରଣ୍ୟକଶିପୁ ପୁତ୍ର ,

ସ୍ତମ୍ଭ ରୁ ବାହାର

    ହେଲେ ନାରାୟଣ  ଉତ୍କଟ ବିକଟ ରୂପ

ବିଦାରଣ କଲେ

      ରାକ୍ଷସର ବୁକୁ  ତିକ୍ଷ୍ନ ନଖେ ନରସିଂହ ,

ସତ୍ୟରେ ଭକତ   

     ଈଶ୍ଵର ସଂପର୍କ     ଅଟେ ବଡମହନୀୟ

ସୁନିତୀ ର ପୁତ୍ର 

    ଧ୍ରୁବ ଯେ ବାଳୁତ   ପରାଭବେ ବିମାତାର ,

ଇନ୍ଦ୍ର ପଦେ “ଅଭି-

    ଷିକ୍ତ;ହେଲେ ଯୋଡ଼ି   ସଂପର୍କ ହରି ପୟର

ସଂପର୍କ ର “ସେତୁ

   ବନ୍ଧ; ରାମଚନ୍ଦ୍ର    ତ୍ରେତୟା ରେ ସାଗରରେ ,

ବାନ୍ଧିଲେ ସୀତାଙ୍କ

     ଉଦ୍ଧାର ପାଇଁକି    ବାନର, ଭଲ୍ଲୁକ ମେଳେ

ମିତ୍ରତାର ବାର୍ତ୍ତା

    ପଠାଇଲେ ସୀତା    କର ଆଣି ସମର୍ପଣ ,

ମରଣ ର ପଥ 

    ଖୋଜିଲା ଶତ୍ରୁତା   ଆଚରଣେ ଦଶାନନ

ସଂପର୍କ ବନ୍ଧନ

  ନହେଉ ରେ ଛିନ୍ନ  ପାଞ୍ଚଖଣ୍ଡ ପଡା ପାଇଁ ,

ଦ୍ଵାପରେ ଶ୍ରୀକୃଷ୍ଣ

  କୈାରବ ମନ୍ଦିରେ  ଭିକ୍ଷା କରିଥିଲେ ଯାଇ

ହୀନ ଦୁର୍ଯୋଧନ 

 କଲା ହେୟଜ୍ଞାନ  ବିନା ଯୁଦ୍ଧେ “ସୁଚି ଅଗ୍ର-

ସମାନ; ମେଦିନୀ

 ମିଳିବତ ନାହିଁ,  ଲଭିଲା ତା ପରାଭବ

ମଣିଷେ ମଣିଷ

 ସଂପର୍କ ଏମିତି  ପୁତ୍ର ,କନ୍ୟା, ମାତା, ପିତା ,

ପବିତ୍ର ବନ୍ଧନ

 ବିବାହ ବେଦୀରେ  ଖଞ୍ଜି ଦେଇଥାନ୍ତି ଧାତା

ଯୈ।ଥ ପରିବାର

 ସଂପର୍କେ ବିଭୋର  ହୋଇ ଗଢୁଥିଲେ ଘର ,

ଆଜି ସେ ସଂପର୍କ

 ଯାଇଅଛି ଭାଙ୍ଗି    ସଂସାର ହେଉଛି ଜୁର

ସଂପର୍କ ର ସଂଜ୍ଞା

  ଅବା ଦିଗହଜା   ଅସ୍ତାଚଳେ କିବା ସୂର୍ଯ୍ୟ ,

ସମ୍ବନ୍ଧ, ସଂପର୍କ

 ତେଣୁ କଳଂକିତ    ତୁଟି ଯାଉଛି ସଂପର୍କ