ସଂକ୍ରମଣ

ସବୁ ଆଡେ ତାଲାବନ୍ଦ 

ତା ବୋଲି କର୍ଫ୍ୟୁ ତ ଜାରି ହେଇନି

ଓଠ ଚାରିପଟେ !!

କେଇଟା ଶବ୍ଦ ପାଇଁ ଏତେ କୃପଣତା ?

କେଉଁ ଭୟ ଏବେ ତୁମ ଭିତରେ

ଏପଟେ ମୋବାଇଲର ମେସେଜ ଚେକ୍

ସେପଟରୁ ନ ଆନ୍ସର 

କି ଲାଭ ପାଅ ତୁମେ ?

ମତେ ହଇରାଣ କରିବାରେ

ସଂକ୍ରମଣ ବ୍ୟାପିଯାଏ ଖୁବ ଶୀଘ୍ର ସମ୍ପର୍କରେ 

ଏକଥା କିଏ କହିଥିଲା କହିଲ ?

କେବେ ବିଶ୍ୱାସରେ

କେବେ ସନ୍ଦେହରେ

ମୁଁ ତ ସନ୍ଦିହାନ

ଏବେ ବି ଉତ୍ତର ଅପେକ୍ଷା ରେ ।

ଏଇ ବନ୍ଦ ତାଲାର ଚାବି ହଜିଛି

କେଉଁ ନିର୍ଦ୍ଦିଷ୍ଟ ତାରିଖ ବିନ୍ଦୁରେ

ତୁମପଟୁ କର୍ଫ୍ୟୁ କେବେ ହଟିବ

ମୁଁ ଅଛି ସେଇ ଅପେକ୍ଷା ରେ

ଦେଖ ମୁଁ ବନ୍ଦ କରିଦେଇଛି 

ଝରକା କବାଟ 

ସଂକ୍ରମଣ କୁ କିଳିଦେଇ 

ଯୋଜନ ଦୁରତ୍ୱରେ 

ଏବେ ତ ଖୋଲ ତୁମ ବନ୍ଦ ତାଲା

ମୁକ୍ତ କର ତୁମ ଶବ୍ଦର କବାଟ 

ସଂକ୍ରମଣ ଏବେ ନିରାପଦ ବ୍ୟବଧାନ ରେ

ଥରେ ଦେଖିନିଅ ମୋ ବ୍ୟାକୁଳତାର ଫର୍ଦ୍ଦ

ଅଘୋଷିତ କର୍ଫ୍ୟୁ ର ଦସ୍ତାବିଜରେ.

ଉଠାଇ ଦିଅନା

 ସଂକ୍ରମଣ ଭୟର ଏ ଦୂରତ୍ୱ 

ମୁଁ ଅଛି ତୁମ ଦରଜା ଖୋଲିବାର ପ୍ରତୀକ୍ଷା ରେ ।