ସଂଘର୍ଷ

ଜୀବନ ଟି ଚିର ସଂଘର୍ଷ ରେ ଭରା

କାହିଁ ହସ ଖୁସି ରସର ପସରା ।

ସଂଘର୍ଷ ରୁ ଜାତ ସଂଘର୍ଷ ରେ ଶେଷ

ଜୀବନରେ ଦିଏ ସେହି ହିଁ ସାହସ ।

ବିନାଶ କରଇ ପୁଣି ନାନାମତେ

ସଂଘର୍ଷ ରେ ରହି ପ୍ରାଣୀ ଅବିରତେ ।

ସୁଖେ ମର୍ତ୍ତ୍ୟ ଲୀଳା କରଇ ଯାପନ

ଦୁଃଖ ଶୋକ ଭୋଗେ ସଂଘର୍ଷ ବିହୀନ ।

କେବେ କେବେ ଗୀତ, ସୁସଙ୍ଗିତ ତାନ

ଭାବ ର ମାଧୂର୍ଯ୍ୟେ ହରି ନିଏ ମନ ।

ପ୍ରତି ପ୍ରାଣୀ ଆଉ ଉଦ୍ଭିଦ ଜଗତ

ଜୀବନ କାଳରେ ସଂଘର୍ଷରେ ରତ ।

ସଂଘର୍ଷ ହିଁ ତୋଳେ ପ୍ରାଣରେ ମାଧୁର୍ଯ୍ୟୁ

ତହିଁରୁ ବଢ଼ଇ ପରାଣ ପ୍ରାଚୁର୍ଯ୍ୟ ।

ମଧୁମୟି କରେ ଜୀବନ ସରଣୀ

ତାହା ନିକଟରେ ସର୍ବେ ଥାନ୍ତି ରୁଣୀ ।

ଭାବ ଉନ୍ମାଦନା ଯୋଗାଇ ଶାନ୍ତିର

 ରୁପେଲି ଚମକ ରଚି ବାରମ୍ବାର ।

ଚେଷ୍ଟା ଜାରି ରଖି ଅଗ୍ରଗତି ପାଇଁ

ପ୍ରତି ପ୍ରାଣୀ ଚିର୍ତ୍ତେ ପ୍ରେରଣା ଯୋଗାଇ ।

ସାହସ ଶକତି ଉତ୍ସାହ ଜାଗୃତି

ଭଣ୍ଡାରରେ ପରିପୂର୍ଣ୍ଣ ବିଭା ନିତି ।

ଭରି ଦିଏ ଦିବ୍ୟ ଆଶା ଭରସାର

ସପନ ଓ ଆଶ୍ଵାସନା ସୁଧା ଧାର ।

ବରଷ।ଇ ଏଇ ସଂଘର୍ଷ ଯୋଗାଏ

ନବ ପ୍ରତିଭାର ଅଧିକାରୀ କରେ ।

ପ୍ରକୃତି ବିବିଧ ରହସ୍ୟ ସମ୍ଭାର

ଉଦଘାଟନ କରେ ସହାୟତା ଚିର ।

ସଂଘର୍ଷରୁ ଝରେ ପ୍ରୀତି ଓ ପୁଲକ

ଅନୁଭବ କରେ ଅନୁଭବୀ ଲୋକ ।

ଜାତ ହୁଏ କ୍ରମେ କ୍ରମେ ସୁଖ ଶାନ୍ତି 

ସନ୍ତୋଷ ରେ ପ୍ଲାବୀ ସୁଦିବ୍ୟ ପ୍ରଶାନ୍ତି ।

ପ୍ରଭା ରେ ପ୍ରତ୍ୟେକ ଅନ୍ତର ରଞ୍ଜାଇ

ସଂଘର୍ଷ ହିଁ ତୋଳେ ପ୍ରାଣରେ ଲହରୀ ।