ସଂଘାତ

କିଛି ହରେଇବାର ଯନ୍ତ୍ରଣା,

ତ କିଛି ପାଇବାର କାମନା

ମୋ ପାଇଁ ଦୁଇଟା ଯାକର ମାନେ ଏକା ତ !

ଯାହା କିଛି ପାଇବାର ଯୋଗ୍ୟ ଥାଏ,

ତାହା ହେଇଯାଏ ଅନ୍ୟଦ୍ଵାରା ଅପହୃତ ।

ସ୍ଵପ୍ନସବୁ ହେଇଯାଏ ମୋର କ୍ଷତ-ବିକ୍ଷତ ।

ତଥାପି ଅବଶିଷ୍ଟ ସ୍ଵପ୍ନକୁ ସାଉଣ୍ଟି ନେଇ

ବଞ୍ଚିବାକୁ ଚାହେଁ ଦୁନିଆରେ ସତ,

ହେଲେ ନିଷ୍ଠୁର ଦୁନିଆ ତାକୁ କରୁଥାଏ ପ୍ରତିହତ ।

ଜୀବନସାରା ଚାଲିଥାଏ 

ସମୟ ଓ ମୋ ଭିତରେ ସଂଘର୍ଷ ଶତତ ।

ଅତୀତରୁ ବର୍ତ୍ତମାନ ଓ ଭବିଷ୍ୟତ, 

ଯାହାର ଅନ୍ୟ ନାମ ହିଁ "ସଂଘାତ" ।