ସନେଟ -୪୦

ଶେଷ ନିବେଦନ

କବିସୌରଭ ଅନୁପ ସିଂହ ଦେବ

ରାଜା ଖଡ଼ିଆଳ

ଚପଳାଙ୍ଗୀ ଚପଳାକ୍ଷୀ ଚମ୍ପକ ବରନା

ବିକଚ କଞ୍ଜ ଲପନା ମାନସ ମୋହନା ।।

ସୁରଭି ପୁଷ୍ପ କୁଞ୍ଚିତ କୁନ୍ତଳ ମଣ୍ଡନା

ସଫରୀ-ନୟନା ସରୁ ମଧ୍ୟମା ନବୀନା ।।

ସୁମନା ଅଭିନ୍ନା ମମ ପ୍ରଣୟ ନିନୀଷୁ

ସନ୍ତାପିତ ପ୍ରାଣେ ପ୍ରୀତି ଗୀତି ଗାଇ ତୋଷୁ ।।

ଅୟି ! ନିରଞ୍ଜନା ଜ୍ଞାନ ବିଜ୍ଞାନ ନିଧାନ

ରକ୍ଷା କରିବୁ ମୋହର ଶେଷ ନିବେଦନ ।।

ସର୍ବଙ୍କଷ କାଳ ସ୍ରୋତେ ଯେବେ ଯିବି ଭାସି

ନ ଢାଳି ନୀର ନୟନୁ,ସନ୍ତାପ-ସରସୀ-

ନୀରେ ନ ଭାସି କରିବୁ ହରିଙ୍କ କୀର୍ତ୍ତନ

ଅଧମ ଆତ୍ମା ଲଭିବ ସାନ୍ତ୍ୱନା ନିର୍ବାଣ ।।

ନ ହେଲେ ଲଭିବ ଜୀବ ଭୀଷଣ କଷଣ

ମୋକ୍ଷ ପଥେ ବାଧା ଦେବ ତୋର ଆକର୍ଷଣ ।।

ସମାପ୍ତ