ସନେଟ -୩୬

ଦର୍ଶନାର୍ଥ

କବିସୌରଭ ଅନୁପ ସିଂହ ଦେବ

ରାଜା ଖଡ଼ିଆଳ

ଚିତ୍ରପଟ ତବ,ମମ ସମ୍ମୁଖେ କାନ୍ଥରେ

ମାରିଅଛି, ମଧୁପତି ଅତି ଶ୍ରଦ୍ଧାଭରେ ।।

ଉଛୁଳଇ ଭକ୍ତି ଅଭ୍ବ ହୃଦୟ ସିନ୍ଧୁରେ

ଉଛୁଳେ ଯେହ୍ନେ ତଟିନୀ ଶ୍ରାବଣର ଧାରେ ।।

ହସି ଉଠେ ହର୍ଷ-କଞ୍ଜ ମନ-ସରସୀରେ

ଲକ୍ଷ୍ମଣ ବାଳ-କଳିନ୍ଦ କର ପରଶରେ ।।

ଶାନ୍ତି-ପିକ,ବସି ହୃଦ-ପିକବନ୍ଧୁ ଡାଳେ

ନିରାଶ ପରାଣେ ଆଶା-ସଂଜୀବନି ଢାଳେ ।।

ଶୁଷ୍କକଣ୍ଠୁ ପ୍ରୀତିଭରା ଗାନ ଛୁଟି ଖେଳେ

ବସନ୍ତର ମନ୍ଦ ମନ୍ଦ ମଳୟ-ହିଲ୍ଲୋଳେ ।।

ଝୁଲାଇଛି କି କାରଣେ କୃପାସିନ୍ଧୁ ଛବି

ମୋ ଶୟନାଗାରେ,କହ ପାରୁଛ କି ଭାବି ?

ନୁହେଁ ମାଗିବାକୁ ଧନ ମାନ କିଞ୍ଚିତରେ

କେବଳ ପ୍ରାତଃ ଦର୍ଶନ ପ୍ରାପ୍ତି ଆକାଂକ୍ଷାରେ ।।

ସମାପ୍ତ