ସନେଟ -୧

ଅବବୋଧ ସ୍ଵୀକାର

କବିସୌରଭ ଅନୁପ ସିଂହ ଦେବ

ରାଜା ଖଡ଼ିଆଳ

ନାନାବିଧ ଧର୍ମ ନର ପାଳନ୍ତି ସଂସାରେ

ହୁଅନ୍ତି ନା ଏକମତ କେହୁ କାହା ସାଥେ ।।

ବିଧାତା ଅଛନ୍ତି ବୋଲି ସର୍ବେ ଏକମତ

କହିଛନ୍ତି ବାଇବଲେ ଶ୍ରୁତିରେ କୋରାଣେ

କେହି କିନ୍ତୁ ଦେଇ ପାରିନାହାନ୍ତି ସନ୍ଧାନ

ଏଣୁ ଅନ୍ଧକାରେ ନର ଆଲୋକ ଆଲୋଡ଼େ ।।

ପୁନର୍ଜନ୍ମ ନାହିଁ ବୋଲେ ଖ୍ରୀଷ୍ଟାନ, ଯବନ

ପୁନର୍ଜନ୍ମ ହୁଏ ବୋଲେ ସନାତନ ଧର୍ମ ।।

ମୁଢ଼ ମାନବ ଏହାର ରହସ୍ୟ ବୁଝେ କି ?

ଜୀବନକୁ ନଷ୍ଟ କରେ ବୃଥା ଭାଳି ଭାଳି ।।

" ପାନ ଗାନ ସୌନ୍ଦର୍ଯ୍ୟରେ କଟାଅ ଜୀବନ

ରୁବାୟତେ ଲେଖିଛନ୍ତି ଓମରଖୟାମ ।।

ବଚନ ତାଙ୍କ ପରତେ ହୁଅଇ ନାହିଁ କି ?

ମୋ ମନ ମାନେ ସେ କଥା କେଜାଣି କାହିଁକି ? ।।

ସମାପ୍ତ