ସ୍ନେହଫୁଲ
ସ୍ନେହଫୁଲ
ଏ ଯେ ସ୍ନେହଫୁଲ ମା'ର
ମମତାର ଗଛରେ ଫୁଟିଥିବା ଫୁଲ
ଯାହା କେବେ ହୁଏନି ବାସି
ଏ ପାଖରେ କେବଳ ଗୁଣଥାଏ
ଏ ଫୁଲ ସଦା ସତେଜ ଦୋଷହୀନ,
ଏହି ସ୍ନେହଫୁଲ ଆନନ୍ଦର
ଶ୍ରଦ୍ଧା ମାଟିର ମହକେ ସନ୍ନିହିତ ଏ ଫୁଲ
ଏ ଫୁଲରେ ନଥାଏ କଣ୍ଟା ଆଦି
ଏଠାରେ ଥାଏ କୋମଳ ପତ୍ର ପରି ପଣତ
ଏ ଫୁଲ ଅବିନାଶୀ ଅସୀମ,
ଏ ସ୍ନେହଫୁଲ ପାଇଁ ସାରା ସଂସାର ବଗିଚା
ଅନୁରାଗର ପସରା ଦେଖିବାକୁ ମିଳେ
ଏଠାରେ ବିୟୋଗ ନଥାଏ କେବଳ ଯୋଗ
ଏ ଫୁଲ ମୂଲ୍ଯ ଅମୂଲ୍ଯ ଅତୁଳନୀୟ
ଏହି ଫୁଲ ସର୍ବ ରଙ୍ଗରେ ରଙ୍ଗାୟିତ,
ଏ ସ୍ନେହଫୁଲ ସମ୍ପର୍କ ମୂଳଦୁଆର ଏ ନିର୍ମାଣକର୍ତ୍ତା
ସମ୍ପତ୍ତି ସମ୍ପଦ ଏହାକୁ ଚିହ୍ନିବା ଅସମ୍ଭବ
ଏ ଫୁଲ ଲୋଭ ଦ୍ୱେଷହୀନ ମନ ଦେଖେ
ଏହି ଫୁଲ ରଚିଛି ଅନେକ ପରିବାର
ଏହାର ପତ୍ରରେ ତିଆରି ହୁଏ ଘର
ଏ ଫୁଲ ସୁଖ ହିଁ ସୁଖ ଦିଏ ସଦାସର୍ବଦା।