ସନ୍ଦେହରେ ଦଳି ଚକଟି ନହୁଅ
ସନ୍ଦେହରେ ଦଳି ଚକଟି ନହୁଅ
ମଣିଷେ ସତ୍ୱ, ରଜ, ତମ, ଅର୍ଥ, କାମ
ଭରି ରହିଛି
ପ୍ରତ୍ୟେକଂକ ଜୀବନରେ ପରା ସୁଖ ଓ
ଦୁଃଖ ରହିଅଛି ।
ଅଧିକାଂଶଙ୍କୁ ଦୁନିଆରେ ଜ୍ଞାନ ଥାଇ ଅର୍ଥ
ଅନ୍ଧ କରିଥାଏ
ଜାଣିଛେ ମଣିଷର ଶ୍ରେଷ୍ଠ ଧନ ଯାହାର
ବିଦ୍ୟା ରହିଥାଏ ।
ଚଳିବାକୁ, ସଂପର୍କ ସହ ଭରସା ରଖିବ
ନିଜ ଉପରେ
ମଣିଷ ଭୂଷଣ ସରଳତା, ଉତ୍ସାହ, ଦୃଢ଼ତା
ନିଷ୍କାମତାରେ ।
ଜ୍ଞାନ ବିଦ୍ୟା ଥାଇ ମଧ୍ୟ ମଣିଷ ସନ୍ଦେହରେ
ଅନ୍ଧାରରେ ବୁଲେ
ନିନ୍ଦିତ ଲଜ୍ଜ୍ୟା କର୍ମକୁ ଗର୍ବରେ ଶ୍ରେଷ୍ଠ ବୋଲି
କୁହି ବୁଲେ ।
ସନ୍ଦେହ କିଆଁ ଆସେ ଅନେକ ଥର ମନରେ
ମୋର ଆସିଛି
ସନ୍ଦେହରେ ଅନ୍ଧାରର ଗତିକୁ ଦେଖି ମନରେ
ପ୍ରଶ୍ନ ପଚାରିଛି ।
ବର୍ଷ ମାସ ଦିନ ଧରି, ମାଣ ମାଣ ଲୁହେ ଆପତ୍ତି
ଓ ଅଭିଯୋଗ ସବୁ ଶୁଣିଛି
ନିବିଡ ଥିବା ଆତ୍ମୀୟତାର ଅପହଞ୍ଚ ସବୁକୁ
କେତେ ଅନୁଭବ କରିଛି ।
ବନ୍ଧୁତା ସଚ୍ଚୋଟ ପ୍ରେମରେ କପଟତା ବଢ଼ିବା
ଉପଲବ୍ଧି କରିଛି
ଦିନରାତି ନାହିଁ ସନ୍ଦେହରେ, ଜୟ ତ ହୁଏନି,
ଖାଲି ଦୁଃଖ ତ ବଢ଼ିଛି ।
ଜୀବନର ଶ୍ରେଷ୍ଠ ଗୁରୁ, ଜୀବନରେ ବିଭିନ୍ନ ଗୁରୁ
ଦ୍ୱାରା ପ୍ରାପ୍ତ ଆତ୍ମ ଜ୍ଞାନ
ଏହା ସନ୍ଦେଶ ନୁହେଁ ମୋର, ଭରସା ରଖ ନିଜ
ଉପରେ, ସନ୍ଦେହ ନକରି କଟାଅ ଜୀବନ ।
ସକାଳ ସଞ୍ଜର ଜୀବନ ଭିତରେ ସନ୍ଦେହ ସମସ୍ୟା
ଧସେଇ ପଶି ଥାଏ
ସନ୍ଦେହରେ ଦଳି ଚକଟି ନହୋଇ ବିବେକରେ
କାମ କଲେ ତାହା ଲିଭି ଯାଏ ।