ସନ୍ଦେହ

ତୁମ ପ୍ରେମର ମଳୟ ସ୍ପର୍ଶରେ

ପ୍ରାଣ ହେଉ ଥିଲା ମୋ ପୁଲକିତ

ଜୀବନର ହସକାନ୍ଦ ସୁଖଦୁଃଖ

ସବୁ ତୁମ ପାଖରେ ବନ୍ଧା

ତୁମ ଭିତରେ ଖୋଜେ ମୁଁ ନିଜକୁ

ମୋ ଜୀବନ ପରିସୀମା ତୁମେ

ଜୀବନର ଅଙ୍କା ବଙ୍କା ଚଲାପଥରେ

ତୁମର ହୋଇଚାଲି ବି ବୋଲି

ଦେଖିଥିଲି ଅନେକ ସ୍ଵପ୍ନ

ହେଲେ ସନ୍ଦେହ ନାମକ

ଚକ୍ରବ୍ୟୁହ ରେ ଘାଣ୍ଟି ଚକଟି

ଜୀବନର ପ୍ରତି ମୁହୂର୍ତ୍ତକୁ କଲ ଜର୍ଜରିତ

ଅମୂଲ୍ୟ ମୁହୂର୍ତ୍ତ ସବୁ ଆଖି ଆଗେ

ଝଲସି ଉଠି କରୁଛି କ୍ଷତାକ୍ତ

ଅତୀତ ହୋଇ ଉଠିବକି ସତ

ସ୍ମରଣ କରି ହୃଦୟରେ ଜମାଟ ବାନ୍ଧିଥିବା

ଅସଂଖ୍ୟ ଭାବକୁ ଚୁରମାର କରିଦେଲ

ଲାଞ୍ଛନା ର ଦାଗରେ ଲାଞ୍ଛିତ କଲ

କଳଙ୍କିତ ଫର୍ଦ୍ଦ ଯୋଡି

ସବୁ କିଛି କଲ ଶେଷ

- ସନ୍ଦେହ ଜ୍ୱଳା ରେ ଜର୍ଜରି ।