ସନ୍ଦେହ
ସନ୍ଦେହ
ଈଶ୍ୱର ସୃଷ୍ଟିରେ ସ୍ତ୍ରୀ ପୁରୁଷ କେବଳ ଦୁଇଟି ଜାତି
ବିପରୀତ ଲିଙ୍ଗୀ ସୁଲଭ ସ୍ବଭାବ ମନରେ ଜଗାଏ ଭୀତି ।
ଏକୁ ଭିନ୍ନ ଆନ ବଞ୍ଚିବା ମୁସ୍କିଲ ଯଦିଓ ବିରୋଧାଭାସ
ତଥାପି ଜୀବନ ବଞ୍ଚେ ଅୟସରେ ପିଇ ପିଇ ପ୍ରୀତି ରସ ।
ନାରୀ ପୁରୁଷର ପୁରୁଷ ନାରୀର ଦେଖ ସନ୍ଦେହ କ୍ରୀଡା
ଯଦିଓ ଏକାଠି ବଞ୍ଚିବା ପାଇଁକା ଦାମ୍ପତ୍ୟ ଜୀବନେ ଛିଡ଼ା ।
କେତେ ସ୍ନେହଶ୍ରଦ୍ଧା ଆପଣାପଣେ ଗଢା ପ୍ରେମର ମନ୍ଦିର
ଟିକିଏ ସନ୍ଦେହ କର୍କଟ ସମ କରିଦିଏ। ଚୁରମାର ।
ଅଟ୍ଟଳ ପ୍ରୟାସ ଅଟ୍ଟଳ ଜିଦ୍ଦିରେ ପାଲଟେ ତାସ'ର ଘର
ବିପରୀତ ଦିଗେ ଏକାତ୍ମା ମଣିଷ ବଢାନ୍ତି ପାଦ ତାଙ୍କର ।
ଭାଙ୍ଗି ଯାଏ ସିନା ମନର ପ୍ରୟାସ, ମନ ଖୋଜେ ମନଟିଏ
ନାରୀ ଓ ପୁରୁଷ କେବେ କି ଅଭିନ୍ନ ଚନ୍ଦ୍ର ସୂର୍ଯ୍ୟ ଥିବାଯାଏ ।
କର୍କଟ ସମ ମନର ମଇଳା କର ମନରୁ ବାରଣ
ହେ ନାରୀ ପୁରୁଷ, ନିଃସନ୍ଦେହ ରହୁ ତୁମ ପ୍ରେମ ଜାଗରଣ ।