ସମୟର ଖେଳ
ସମୟର ଖେଳ
ଭାବିଥିଲି ଯେଉଁ କଥା ସବୁ, ତାହା
ଘଟିଲା ନାହିଁ
ଯାହା ସବୁ ଘଟିଛି, ମନରେ ଭାବି
ନଥିଲି କେବେ ମୁହିଁ |୧|
ଦୋଷ ଲଦିବା କାହାକୁ, ତାର କିଛି
ଲାଭ ନାହିଁ
ସମୟ ଚାଲି ଆସିଛି, ଚାଲିବ, ତା
ରୋକିବାର ନାହିଁ |୨|
କାରଣ ସମୟର ଖେଳ, ସମୟ ତ
କାହା ହାତରେ ନାହିଁ
ତେଣୁ ମନରେ ଦୁଃଖ ଅବା ପାଗଳାମି
ହବାର ନାହିଁ |୩|
ସମୟର ଖେଳ, ସେ ତ ଅଣଲେଉଟାା
ରଥ, ରୋକିବ ନାହିଁ
ସମୟ ଗଡି ଚାଲିଛି, ବାକି ବା ସମୟ
କେତେ ଅଛି ରହି |୪|
କେତେବେଳେ ଖାଲିପଣିଆରେ
ସମୟତକ କଟିଗଲା
କେତେବେଳେ ଦୁଃଖ ସାଗରରେ
ଭସାଇ ନେଲା |୫|
କଟାଉଛେ ଆମେ ମାୟା ମୋହ
ର ସଂସାର
ସମୟର ତାଳେ ତାଳେ କଟିଯିବ
ସମୟ ଆମର |୬|
ଆମକୁ ଏଇ ସମୟ ବେଳେ ବେଳେ
କିଛି ଦେଇ ଚାଲିଥିବ
ଅବା କେବେ କେବେ ଆମଠୁ କିଛି
ଛଡାଇ ନେଇଯିବ |୭|
ସମୟ ତ ବଳବାନ, ଜୀବନ
ରାସ୍ତାରେ ସେ ନାଚୁଥିବ
ସୁଗନ୍ଧ ଧୂପକାଠି ସଦୃଶ ଜୀବନେ
ସୁଗନ୍ଧ ବୁଣି ଚାଲୁଥିବ |୮|
କେତେବେଳେ ମଣିଷର ବିଜୟର
ତୂରୀ ଫୁଙ୍କି ଚାଲିବ
କେତେବେଳେ ଶ୍ମଶାନ ଘାଟକୁ ମଧ୍ୟ
ଟାଣି ନେଇଯିବ |୯|
ରାଜା ହେଉ କି ଭିକାରି ହେଉ, ସମୟ
କାହାର ନୁହେଁ ଅଧୀନ
ସମୟ କେତେବେଳେ କଅଣ କରିବ
ପାଇବାନି ତାର ଚିହ୍ନବର୍ଣ୍ଣ |୧୦|