ସମୟକୁ ହଜାଇବାନିରେ

ପ୍ରତିଶ୍ରୁତି, ପ୍ରତିଶ୍ରୁତି ଶୁଣି ଶୁଣି ଆମେ ବହୁ 

ନିର୍ବାଚନ ଦେଖିଲେ

କୁହ ହେ ଭଉଣୀ ଭାଇ ଯେତେ, ପାଇଛନ୍ତି

ଶାସନ, କେତେ ପୂରଣ କଲେ |୧|

ନିର୍ବାଚନ ସରିଲେ, ଭେଟ ହୋଇଛକି ଗାଁ 

ଓ ଗାଁରେ ଶାସକ ଗୋଷ୍ଠୀକୁ

ଲାଠି ଗୁଳି ଖାଉନକି, ଉଠାଇଲ ଯେବେ

ସମସ୍ୟା ସମାଧାନ ଦାବି ଗୁଡିକୁ |୨|

ସ୍ଵାର୍ଥ, ଲୋଭ, ଲାଳସାରେ ଆମେତ ରହୁଛେ 

ନିଜ ସ୍ୱାର୍ଥ ପାଇଁ ଏଇ ଦେଶରେ

ପୁଞ୍ଜିପତି ସବୁ ବ୍ୟାଙ୍କରୁ ପୁଞ୍ଜି ନେଇ ଯାଇ

ବୁଲୁଛନ୍ତି ଆନନ୍ଦେ ବାହାର ଦେଶରେ |୩|

ଅନୁଭୂତିରୁ, ଆମେ ସମୟକୁ ହଜାଇ ସାରିଲେ 

ସମାଧାନର ପଥ ଖୋଜିବା କେଉଁଠି

ଗଣତନ୍ତ୍ରରେ ଭୋଅଟ ବେଳେ ସଚେତନ ନହେଲେ

ମୁଣ୍ଡେ ହାତ ଦେଇ କାନ୍ଦିଲେ ପାଇବ ଶାନ୍ତି |୪|

    

ପୁଞ୍ଜିବାଦରେ ନେତା ଶୋଷନ୍ତି ଜନତାର ରକତ,

ଏହା କିଛି ନୂଆ କଥା ନୂହେଁ

କେବେ କେବେ ଲାଗେ ମେଘୁଆ ମେଘୁଆ, କିଛି

ସମୟ ଆଖିପତାକୁ ଭିଜେଇ ଦିଏ |୫|

ଆମକୁ ତ କିଛି କିଛି ଅଇଁଠା ଫୋପାଡି ଫୋପାଡି

ସମସ୍ତଙ୍କୁ ମାଗିଖିଆ କରିଛନ୍ତି

ଧରମ ଓ ଜାତି ନାମେ ଭେଦଭାବ ସୃଷ୍ଟି କରି ଆମର

ଏକତାକୁ ଭାଗ ଭାଗ କରିଛନ୍ତି |୬|

ଅଭାବ ରହିଛି, ରହିବ, ଯଦି ବ୍ୟସ୍ତ ବିବ୍ରତ ନହୋଇ

ଦୃଢ଼ ରହି ଏକାଠି ହୋଇ ଠିଆ ହେବା

ସ୍ୱାଭିମାନ ଆମର ସଂସ୍କାର ସଂସ୍କୃତି ହେଉ, ଆମର

ସ୍ୱାର୍ଥ ପାଇଁ ଲଢ଼ିବା ନେତାକୁ ଖୋଜିବା |୭|

ନେଡିଗୁଡ଼ କହୁଣିକୁ ବୋହିଗଲା ପରେ ଲୁଟିଖିଆ

ଶାସକ ହୋଇ ଖଟିଖିଆକୁ ନିଶ୍ଚିତ ଲୁଟିବ

ମଦ ପିଇ ଲାଞ୍ଚ ଖାଇ ଜାତି ଧରମ ନାମେ ଭୋଅଟ 

ଦେଲେ ଶୋଷଣରୁ କି ମୁକ୍ତି ପାଇବା ହେବ |୮|