ସମୟ

ଯା'ର ଗତି ଅବିରତ

କାହାକୁ କାହିଁକି

ସେ କରିବ ଅପେକ୍ଷା ଯେ

ସୂଚାଇ ଦେଉଥାଏ ଚାଲିଚାଲି

ଚରୈବେତି ଚରୈବେତି ବୋଲି

ତେବେତ 

କିଏ ଭିକାରୀରୁ ହୋଇଯାଏ

ରାଜେନ୍ଦ୍ର

ଆଉ ରାଜ ସିଂହାସନ ଛାଡି

କାହାକୁ ପଡେ ଘାସ କାଟିବାକୁ।

ପାଚିଲା ପତ୍ର ଗଛରେ

ଦେଖିନି କେହିକେବେ

ସମୟର ସ୍ରୋତରେ

ଭାସିବାକୁ ହୁଏ ସମସ୍ତଙ୍କୁ

ହେଉ ଅବା ଦେବତା କି ନର

ଏଇଟା ଏତେ ଶକ୍ତିଶାଳୀ ଯେ

ସାଲିସ୍ କରିନି ସେ

କାହା ସାଙ୍ଗେ କି ପରିସ୍ଥିତି ସାଙ୍ଗେ

ସୂର୍ଯ୍ୟୋଦୟଠୁ ସୂର୍ଯ୍ୟାସ୍ତ

ପୂର୍ଣ୍ଣିମାଠୁ ଅମାବାସ୍ୟା

ଦିନଠୁ ରାତି-ସେଇ

ଏକ ଧାରରେ ଧାବମାନ

କାହାକୁ କିଛି ଥାଏ ଯଦି ମିଳିବାର

ଅପେକ୍ଷା ଛଡା

ନଥାଏ ତାର ଅନ୍ୟଗତି

ସେ ହୋଇଥାଉ ଧନୀ କି ଗରିବ

ଏକା ହିଁ ବଳବାନ=ସମୟ!!!!