ବଳାତ୍କାର
ବଳାତ୍କାର
ନା ନିଦ ନା ଭୋକ
ନା ସୁଖ ନା ଆନନ୍ଦ
ମିଳେଇ ଯାଇଛି ସବୁ
ସମୟର କରାଳ ସ୍ରୋତରେ
ତାହାର , ଯିଏ ଶିକାରୀର ଶିକାର।
ଦାନବୀୟ ଆନନ୍ଦ
ଆସୁରୀ ପିପାସା
ଦୁର୍ବାର ବାସନା ଚରିତାର୍ଥର
ମର୍ମନ୍ତୁଦ ରୂପ-ବଳାତ୍କାର।
ସବୁ ସରିଯିବାର
ସବୁ ହଜିଯିବାର,ଅସୀମ ଯନ୍ତ୍ରଣା
କେତେ ଧୋଇବ ଦୁଃଖ ଲୁହର ବନ୍ୟା
ବଞ୍ଚିକରି ବି ମରିଯିବା
ଆଉ
ମରିକରି ବି ବଞ୍ଚିବାର
ଅକଥନୀୟ କ୍କେଶ
ଏ ଦୁଃଖ ତ ମୃତ୍ୟୁଠୁ ବଳି
ବନ୍ଦ କରିଦିଏ ବଞ୍ଚିବାର ରାସ୍ତା
ଇଏତ ମରଣର ଉପନାମ ବୋଧେ।