ସମୟ ର ଖେଳ

ସମୟ ଖେଳୁଛି ଖେଳ ଚକା ଚକା ଭଉଁରୀ,ଚକା ଚକା ଭଉଁରୀ

ସମୟର ସାଥେ ସାଥେ ଭାଗ୍ୟଯାଏ ବଦଳି, 

ଚକା ଚକା ଭଉଁରୀ,ଚକା ଚକା ଭଉଁରୀ ।

ରାଜଭୋଗ ଭୋଗ ନୁହେଁ ରାଜା ହୁଏ ଫକିର

ସମୟର ଖେଳ ପୁଣି ମନକରେ ଅସ୍ଥିର

ଜୀବନ ନଉକା ତା’ର ଜଣେ ଅଛି ନାଉରୀ, ସମୟ ଖେଳୁଛି ଖେଳ

ଚକା ଚକା ଭଉଁରୀ,ଚକା ଚକା ଭଉଁରୀ ।

ସମୟ ବଦଳିଗଲେ ଦିନ ଯାଏ ବଦଳି

ଦିନଯାଇ ରାତିହୁଏ ଭାଇ ହୁଏ ଭଗାରି

ଚିହ୍ନା ଅଚିହ୍ନା ହୁଅଇ ଦିବା ହୁଏ ସର୍ବରି, ସମୟ ଖେଳୁଛି ଖେଳ

ଚକା ଚକା ଭଉଁରୀ,ଚକା ଚକା ଭଉଁରୀ ।

ବନ ପୋଡ଼ିଗଲେ ସିନା ଜାଣନ୍ତି ସଭିଏଁ

ମନ ପୋଡ଼ିଗଲେ ଅବା ଜାଣିବ ବା କିଏ

ସମୟ‌ଏମିତି ଏକ ଯାଗରିତ ପ୍ରହରୀ, ସମୟ ଖେଳୁଛି ଖେଳ

ଚକା ଚକା ଭଉଁରୀ,ଚକା ଚକା ଭଉଁରୀ ।

ଅପେକ୍ଷା କରେନିକେବେ ସମୟତ କାହାରେ

ସତ, ମିଛ ଜଣାପଡେ ସମୟର ସୁଅରେ

ପୋଡାମନ ଉଦ୍ଦଜିବିତ ଚଢେ ସୁନା ସବାରୀ, ସମୟ ଖେଳୁଛି ଖେଳ

ଚକା ଚକା ଭଉଁରୀ,ଚକା ଚକା ଭଉଁରୀ ।

ଜୀବନ ଏମିତି ସେତ ଛାଇ ଆଲୁଅର ଖେଳ

ଜିତିବା ହାରିବା କହି ହୁଏନାହିଁ କାହାର

ଜୀବନ ବିତଇ ଖାଲି କୁହୁଡି ରେ ପହଁରି, ସମୟ ଖେଳୁଛି ଖେଳ

ଚକା ଚକା ଭଉଁରୀ,ଚକା ଚକା ଭଉଁରୀ ।

ସୁଖ,ଦୁଃଖ,ଦିନ,ରାତି,ଛାଇ ଅବା ଆଲୁଅ

ବିଧାତା ବିଧାନ ବନ୍ଧୁ ବୁଝିବାଟା ଅଥୟ

ଜଣେ ଅଛି ସଞ୍ଚାଳକ ସବୁଖେଳ ତାହାରି,ସମୟ ଖେଳୁଛି ଖେଳ

ଚକା ଚକା ଭଉଁରୀ,ଚକା ଚକା ଭଉଁରୀ ।

ସବୁଯାଣେ ସବୁଦେଖେ ବସିକରେ ବିଚାର

ପାତର ଅନ୍ତର ନାହିଁ ସଭେଁ ତା’ର ନିଜର

କର୍ମ ଦେଖି ଫଳ ଦିଏ ସେତ ବିଶ୍ବବିହାରୀ, ସମୟ ଖେଳୁଛି ଖେଳ

ଚକା ଚକା ଭଉଁରୀ, ଚକା ଚକା ଭଉଁରୀ ।