ସମୁଦ୍ର

ହେ ସମୁଦ୍ର ତୁମ ଉତ୍ତାଳ ତରଙ୍ଗ

ମନଲୋଭା ବେଳା ଭୂମି

ବାଲୁକା ର ବିସ୍ତୀର୍ଣ୍ଣ ଶୁଷ୍କ ମରୁରାଜି !

ବକ୍ଷରେ ତୁମ ଏକ ପରେ ଆନ

ଅଗଣିତ ଧାବମାନ ଢେଉଙ୍କର

ଆଗମନ ପ୍ରତ୍ୟାବର୍ତ୍ତନର ସ୍ବପ୍ନିଳ ଜଳ ଯାତ୍ରା !

ତୃଷ୍ଣା ମେଣ୍ଟେ ନାହିଁ,

ଲବଣାକ୍ତ ସ୍ଵାଦ ସମ୍ମୋହନର ଅଧର ସ୍ପର୍ଶରେ

ଆନମନା କର ତୁମ ଗୁରୁ ଗରଜନେ !

ନିଃସନ୍ଦେହ ତୁମ ବିଶାଳ ସଂସାର

ହୃଦୟେ ଭରିଛ ଅମୃତ ଭଣ୍ଡାର

କେତେ ରକମର ପ୍ରବାଳ ପାରାବାର

ଲୁଚି ରହିଛି କି ସମୁଦ୍ର ଭିତର !

ବିଶାଳ ବାରିଧି 

ନଈ ଧାରା ଧୀର

ଅପେକ୍ଷା କରିଣ ମିଶାଏ ସତ୍ୱର !

ସମୁଦ୍ର ହେ ତୁମେ ଠିକଣା,

ଶାନ୍ତ ଅଶାନ୍ତ ଦାରୁଣ ମହା ପ୍ରଳୟର

ଝଡ ପରେ ତୁମ ନିରବତା ସତେ କି ସୁନ୍ଦର !!