ସ୍ମୃତିରେ ପିଲାଦିନ
ସ୍ମୃତିରେ ପିଲାଦିନ
କାହିଁ ସେ ସକାଳ ର କୁଆ ର ରାବ
କାହିଁ ସେ ବୁଢ଼ୀ ମା ର ଆଦର ଭାବ
କାହିଁ ସେ ସଞ୍ଜ ବେଳ ଧୂପ ଆଳତୀ
କାହିଁ ସେ କୁମ୍ଭାଟୁଆ, କଜଳ ପାତି
ସଞ୍ଜ ବେଳେ ଭାଗବତ ଆଉ ନ ଶୁଭେ
ଚାଉଳ ମୁଠାଏ ପାଇଁ କୁଆ ଆଉ ନ ରାବେ
ସକାଳ ରୁ ସଞ୍ଜ ଯାଏଁ ମା , ଗେଲ୍ହା, ଗାଳି
ଆଜି ଏକା ବସି କୋଣେ ଯେବେ ମୁଁ ଭାବେ
ତତଲା ଲୁହ କାହିଁକି ନିଗିଡି ଆସେ
ସ୍ମୃତି ର ଝରକା ଖୋଲି ଚାହିଁ ମୁଁ ବସେ
ଲାଗେ ସବୁ ଏଵେ ଏଵେ ଫେରି ଆସିବ
ହାତ ଧରି ମୋର ମୋତେ ଫେରାଇ ନେବ
ପୁଣି ମୁଁ ହଜିବି ପିଲାବେଳେ ସହରେ
ସଞ୍ଜ ରୁ ସକାଳ ପୁଣି ମା' ର କୋଳେ
ସାଙ୍ଗ, ସାଥୀ ପୁଣି ମୋର ଆସିବେ ଫେରି
ବୋହୁ ବୋହୁକା ସାଥିରେ ସେ ଲୁଚକାଳି
ଅଜା ଙ୍କ ଆକଟ ପୁଣି ଆଇ ର ହସ
ପାରା ଯୋଡି ଗୀତ ଆଉ ନଡ଼ିଆ ରସ
ଗାଈ ଗୁହାଳେ ଖେଳିବି ଆଇ କୁ ନେଇ
ପୁଣି ହେବ ସଞ୍ଜ ହୁଳହୁଳି କୁ ଦେଇ
ଗାଁ ମନ୍ଦିରେ ପୁଣି ନୁଆଇଁ ମଥା
ମାଗିବି ମୁଁ ମୋର ଏକ ଛୋଟିଆ କଥା
ଏ ଭାବନା ଥରେ ସତେ ସତ ହୁଅନ୍ତା
ପିଲାବେଳେ ଥରୁଟିଏ ଫେରି ଆସନ୍ତା ।