ବଢ଼ିଲାଣି ତାତି

ହେଲାଣି ଖରା ବଢ଼ିଲାଣି ତାତି

ସଜ କର ଶାଗ ପଖାଳ

ବାହାରକୁ ପାଦ ନ ଦେଉଣୁ ଟିକେ

ଲାଗୁଛି ଡହଳ ବିକଳ

ଆମ୍ବ ପାଚିଲାଣି ପତ୍ର ଶୁଖିଲାଣି

ବାଲି ତାତେ ଡହ ଡହ..

ଅଂଶୁଘାତରୁ ମୁଁ କେମିତି ବଞ୍ଚିବି

ବୋଉ ଲୋ ବୁଝେଇ କହ..

ସୁନା ଝିଅ ମୋର କଥାକୁ ଶୁଣିବୁ

ମନ ଦେଇ ବୁଝୁ ଥିବୁ

ଘରୁ ପାଦେ ଗଲେ ଛତାକୁ ସାଙ୍ଗରେ.

ପାଣି ବୋତଲକୁ ନେବୁ

ଟିକେ ଟିକେ ଛାଡି ପାଣି ପିଉଥିବୁ

ଖରାକୁ ନଥିବ ଡର

ଛାଇ ଦେଖି ବାଟେ ରହିବୁ ଘଡ଼ିଏ

ଯଦି ଲାଗେ ତାତି ଜୋର..

ଅଂଶୁଘାତ ପରା ଦୂରେ ଦୂରେ ଯିବ

ଧ୍ୟାନ ଦେବୁ କଥା ମୋର

ଖରା ଦିନେ ପାଣି ପିଉଥିବୁ ଯଦି

ଖରାକୁ ନଥିବ ଡର