Library
Profile
ସ୍ମୃତି
ସ୍ମୃତି
1 min
196
ସ୍ମୃତି ତୁମେ ଆଜି
ଶ୍ରାବଣ ଋତୁର
ବରଷା ଛିଟା ର ଧାରା
ସ୍ମୁତି ତୁମେ ଆଜି
ମୋ ମନ ହୃଦୟ
ମରୁଭୂମି ଝାଞ୍ଜି ଖରା ।
ସ୍ମୁତି ତୁମେ ମୋର
ତୃଷ୍ଣା ନିବାରଣୀ
ଚିରସ୍ରୋତା ସ୍ରୋତସ୍ବନୀ
ସ୍ମୃତି ତୁମେ ଆଜି
ସବୁଜ ବନାନୀ
ସିନ୍ଧୁ ତଟ ବେଳାଭୂମି ।
ସ୍ମୃତି ତୁମେ ମୋର
ଅଭୁଲା କାହାଣୀ
ଅତୀତ ଦରଦୀ ବନ୍ଧୁ
ସ୍ମୃତି ତୁମେ ମୋର
ଭିଜା ଆଖି ଲୁହ
ସପ୍ତ ସାଗରର ସିନ୍ଧୁ ।
ସ୍ମୃତି ତୁମେ ମୋର
ଅନେକ ରାତିର
ମଧୁଝରା ମିଠା ସ୍ବପ୍ନ
ସ୍ମୃତି ତୁମେ ଆଜି
ଜୀବନ କାହାଣୀ
ଅଧା ଗଢା ସୌଧ ଭଗ୍ନ ।
ସ୍ମୃତି ତୁମେ ମୋର
ପିଲା ଧୂଳି ଖେଳ
ଷଢେ଼ଇ ବାଲିର ଭାତ
ସ୍ମୃତି ତୁମେ ମୋର
ଭିଜା କୁହୁଡି ର
ତପନ ଜ୍ୟୋତି ପ୍ରଭାତ ।
ସ୍ମୃତି ତୁମେ ମୋର
ତାଳ ଝାଉଁ ବଣ
ପ୍ରୀତି ଭରା ମଧୁ ଗୀତି
ସ୍ମୃତି ତୁମେ ମୋର
ରଙ୍ଗ ଫଗୁଣର
ପ୍ରେମ ପ୍ରୀତି ଫଗୁ ସ୍ମୃତି ।
