ସ୍ମୃତି ସତ୍କାର
ସ୍ମୃତି ସତ୍କାର
ଦେଖ!!
ସେ ବେଳର ସ୍ଵପ୍ନ ମୋର
ଗୁନ୍ଥିଥିଲ ତୁମେ -
ଜହ୍ନରେ.. ମନରେ.. ପ୍ରେମରେ.. ଫୁଲରେ...
ନିଷିଦ୍ଧ ସମ୍ମୋହନରେ,
ଏକାନ୍ତ ନିଶ୍ଵାସରେ.... Il
ଏ ବେଳରେ ଦେଖ !!
ସ୍ଵପ୍ନ ମରିଛି -
ସ୍ମୃତିର ସଫେଦ ଚାଦର ତଳେ
ଜୀବନ ନିଥର.. ନିଶ୍ଚଳ... ବିବର୍ଣ୍ଣ ଦିଶୁଛି
ତୁମ ବୁକୁ ଫଟା -
ପ୍ରତାରଣା ଓ ପ୍ରବଞ୍ଚନା ଯନ୍ତ୍ରଣାରେ... lI
ଆସ !!
ସାହା ଟିକେ ହୁଅ...
ତୁମେ ମୟ ମୋ ତମାମ ସ୍ମୃତି ଦାହରେ ,
ତୁମେ ହିଁ ତ ମୋ ଭିତରେ -
ସ୍ଵପ୍ନ ପାଳିଥିଲ !
ଶୃଙ୍ଗାରୀଥିଲ -
ଜୀବନର ଯାବତୀୟ
ସ୍ଵପ୍ନମୟ ରଙ୍ଗ... ରସ... ରାସ...
ମୋ ଅସତର୍କ ମୁହୂର୍ତ୍ତରେ !!
ଆସ !!!
ତୁମର ହିଁ ଶ୍ରେଷ୍ଠ ଅଧିକାର
ମୁଖାଗ୍ନିଟା ଦେଇଦିଅ -
ଆମ ସକଳ ସ୍ମୃତିର ନଷ୍ଟ - ଶ୍ମଶାନରେ... !!
ସତ୍ୟନାରାୟଣ ସାହୁ ( ନୀତୁ )
ଛତ୍ରଙ୍ଗ , ବୌଦ୍ଧ