ଲାଇବ୍ରେରୀ
ପ୍ରୋଫାଇଲ୍
ସ୍ମୃତି ସିଏ ମୋର
ସ୍ମୃତି ସିଏ ମୋର
1 min
515
ସ୍ମୃତି ସିଏ ମୋର ଫୁଲର ଫଗୁଣ
ଚହଟ ଚାନ୍ଦିନୀ ରାତି
ସ୍ମୃତି ସିଏ ମୋର ପହିଲି ପ୍ରେମର
ପ୍ରଥମ ମିଳନ ଗୀତି ।
ସ୍ମୃତି ସିଏ ମୋର ଭାରି ଆପଣାର
ସୋରିଷ କ୍ଷେତର ଝିଅ
ଗୋଟେ ଚାଉଳରେ ଗଢ଼ା ଚାନ୍ଦମୁହିଁ
ଚମ୍ପାଗୋରା ପରି ଦେହ।
ସ୍ମୃତି ସିଏ ମୋର ଲୁଚକାଳି ଖେଳ
ବର କନିଆଁ ଙ୍କ ବେଶ
ସେ'ହେଲା କନିଆଁ ମୁଁ"ତାହାର ବର
ସ୍ୟାହିରେ ଚିତ୍ରିତ ନିଶ ।
ସ୍ମୃତି ସିଏ ମୋର ମାନସ ପଟରେ
ଅଲିଭା କାଳିରେ ଅଙ୍କା
ସେଦିନୁ ଖୋଜୁଛି ମୋର ଦୁଇଆଖି
ପାଇବାକୁ ତାର ଦେଖା ।
