ସ୍ମୃତି ଝରକା ଫାଙ୍କ ରେ

ସ୍ମୃତି ତୁମେ ଚାଲିଆସ ମୋ ମନ ର 

ଝରକା ଫାଙ୍କ ରେ

କୁହୁଡି ଚାଦର ଉଢ଼ି

ଚାଲିଆସ ତୁମେ ପ୍ରିୟା

ସେଇ ପ୍ରୀତିଭରା ସଫେଦ ରାତି ରେ

କେବେ ପୁଣି ଆସ ସେ 

ଗଙ୍ଗଶିଉଳିର ଝରା ପାଖୁଡା ରେ

କେବେ ପୁଣି ଆସ କଣ୍ଟକିତ ଗୋଲାପ ର

ସ୍ନିଗ୍ଧ ପାଖୁଡା ରେ

ଜ୍ୟୋତ୍ସ୍ନା ପ୍ଲାବିତ ଶୁଭ୍ର ରୁପ ସଜ୍ଜା ରେ 

ସ୍ମୁତି ତୁମେ ଚାଲିଆସ କେବେ

ମୋ ମନର ନନ୍ଦନ ବନ ରେ ।

ପାରିଜାତ ହୋଇ ପୁଣି କେବେ ଫୁଟ

ମୋ ହୃଦୟ କୋଣ ରେ

ନୀତି ଆସ ପୁଣି ତୁମେ

ରାତ୍ରି ର ପ୍ରଥମ ପ୍ରହରେ

ରଜନୀଗନ୍ଧା ର ଭୁରି ଭୁରି ବାସ୍ନା ରେ

ଚନ୍ଦନ ସମ ମହକି ଯାଏ ସ୍ମୃତି ତୁମେ 

କେଉଁ ଘଞ୍ଚ ଅରଣ୍ୟ ର ନିବୃତ କୋଣ ରେ

ସତରେ ସ୍ମୃତି ତୁମେ ଆସ ପୁଣି

ରାତ୍ରି ର ନିଃଶବ୍ଦତା ଭିତରେ

କେବେ ଚାଲିଆସ ନିହାର ବିନ୍ଦୁ ର

ଶୀତଳ ସ୍ବର୍ଶ ରେ

ସ୍ମୃତି ତୁମେ ଉଜ୍ଜ୍ୱଭାସିତ ହୁଏ

ହୃଦୟ କନ୍ଦରେ

ସେ ଭିଜା ମାଟିର ବାସ୍ନା ରେ

ସ୍ମୃତି ତୁମେ ଜହ୍ନ ହୋଇ ଚାଲିଆସ

ମୋ ମନ ଆକାଶ ରେ ....ll